Maiatzak 4: Arrazola – Alluitz – Untzillatx – Mañaria

• Irteera: Arrazola
• Helmuga: Mañaria
• Irteera ordua:
  • Ego Gain: 8:00
  • Urkizu / Bidebarrieta 66: 8:05
• Ibilbide ofiziala
  • Distantzia: 14.4 km
  • Goraka metatutako desnibela: 1715 m
  • Beheraka metatutako desnibela: 1750 m
  • Deskargatu ibilbidearen arrastoa GPX formatuan
• Ibilbide alternatiboa (Alluitz eta Untzillatx igo gabe)
  • Distantzia: 12.1 km
  • Goraka metatutako desnibela: 870 m.
  • Beheraka metatutako desnibela: 915 m.
  • Deskargatu ibilbide alternatiboaren arrastoa GPX formatuan
• Deskargatu ibilbide-orria eta mapa

[0 km] Arrazola. Eliza ondoan hasiko dugu bidea. Anbotoko biraren marka zuri-horiei jarraituz.

[600 m] Markak utzi eta eskumara egingo dugu. Anbotoko sakoneko bidea hartuz. 3 hesi gurutzatu beharko ditugu. Bidezidorra erraz ikusten da baina aldapa handia dago.

[1,9 km] Hirugarren hesia gurutzatu eta baso txiki baten ostean, bidea utzi eta eskumara egin beharko dugu. Txabola baten arrastoak ikusiko ditugu eta berehala harrizko bidea hartuko dugu.

[3,3 km] Lepoan zuzen jarraituko dugu. Ezkerrera igoz gero, Larranoko lepora igoko gara.

[5,1 km] Ezkerrera.

[6,2 km] Artolako lepoa. Ezkerrera Alluitzera igoko gara, eskumara Astxikira. Nahi duenak aurrera egin dezake.

[7,2 km] Alluitz 1034 m. Hemengo buzoia Egoitz Elduayen eta Gotzon Irazolak jarri zuten, eta Indalecio Ojangurenen garaiko buzoiaren erreplika da. Etorritako bidetik itzuliko gara Artolako lepora.

[9,8 km] Atxarte. Untzillatxera igo nahi ez duenak aurrerantz jarraitu dezake eta ondoren GR-229aren markei jarraituz Mañariara heldu.

[11,7 km] Untzillatx 941 m.

[14,4 km] Mañaria, zeharkaldiaren amaiera.