Buzoiak

Atal honetan, klubak Euskal Herriko eta kanpoko mendietan jarri izan dituen buzoien zerrenda egingo dugu. Momentuz hauek dira aurkitu ditugunak, besteren bat ezagutzen baduzu idatziguzu mendia@deporeibar.com helbidera.

  • Aketegi erpina
  • Akondia/Arrikurutz
  • Aldamin
  • Alluitz
  • Arastortz
  • Arrate
  • Arripillaeta
  • Azkonabieta
  • Topinburu
  • Urko

Aketegi Erpina

  • Mendia: Aketegi erpina (Zegama, Gipuzkoa)
  • Altuera: 1548 m.
  • Testua: “C.D. EIBAR”, “JOSE INAZIO LASA GISASOLA. EIBAR 1935-7-31 MONT BLANC 1970-8-3”
  • Azalpena: ez da buzoi bat, oroigarri bat da
  • Egoera: ona

Akondia / Arrikurutz

  • Mendia: Akondia / Arrikurutz (Eibar, Gipuzkoa)
  • Altuera: 749 m
  • Testua: “ARRIKURUTZ (AKONDIA) 749 m.” Alde baten bertso bat du idatzita: “Akondia gaur jantzi da / soineko ederrez / gailurra zaio bete / mendizale gaztez / Lehen guduz / orain bakez / bisita nazazue / beste mila urtez. Antxon Narbaiza”. Bestea aldean beste bertso hau du idatzita: “Otsailaren bostean denok / hementxe elkartu gara, / buzoi polit hau hemen jartzeko / ume pillo bat bertara / ia horrela jarraitzen duen / hemendik urteetara / zaindu dezagun ingurumena / maita dezagun euskara / euskaldun baldin bagara. Antton Aldalur”
  • Azalpena: altzairu erdoilgaitzez egindakoa. 2018-10-30ean berriz soldatu zen Soldaduras Zaldisoli esker eta berriz jarri zen.
  • Egoera: ona

Aldamin

  • Mendia: Aldamin (Zeanuri, Bizkaia)
  • Altuera: 1376 m.
  • Testua: “ALDAMIN 1376 m. EIBARKO “ALDAMIN” TALDEA 1954 1979. JOSE LASKURAIN 1897 – 1977. SANTI ZEZEAGA 1907 – 1974. PATXI ABANZABALEGI 1909 – 1930. BENITO LORIZATE 1918 – 1966. JOSE ALZERREKA 1913 – 1960″
  • Egoera: ona

Alluitz

  • Mendia: Alluitz (Abadiño, Bizkaia)
  • Altuera: 1034 m.
  • Testua: “ALLUITZ 1034 m.”
  • Azalpena: 2019-06-08an buzoia berriz jarri zen klubeko Egoitz Elduayen eta Gotzon Irazolaren ekimenez. Buzoia, Alluitzen Indalecio Ojangurenen garaian egon zenaren erreplika bat da. Irakurri hemen istorioa.
  • Egoera: ona

Arastortz

  • Mendia: Arastortz (Ataun, Gipuzkoa)
  • Altuera: 827 m.
  • Testua: “CLUB DEPORTIVO EIBAR’KO Amaia eta Roberto mendizaleek eskeinia. 1978 gn otsailaren 26an ARASTORTZKO-GANE 826 m”
  • Azalpena: altzairu erdoilgaitzezko piramide bat da, txarteletzako kutxa azpian duen tiradera batekin agertzen da. Oinean Gernikako Arbolaren grabatu bat du.
  • Egoera: ona

Arrate

  • Mendia: Arrate (Eibar, Gipuzkoa)
  • Altuera: 536 m.
  • Testua: “ARRATE (KLUBAREN LOGOA) 27-4-47 – 528 mts.”
  • Azalpena: buzoia Arrateko gurutzearen ondoan dagoen harrizko eserleku baten dago, Santutegira begira

Arripillaeta

  • Mendia: Arripillaeta (Zerain, Gipuzkoa)
  • Altuera: 864 m.
  • Testua: “ARRIPILLATA 888m. KRUZELAEGI’tar JESUSek eskintzen du ARTETXE’tar ARRATE babesle dalarik. 1976 gn. ekainaren 5ean CLUB DEPORTIVO DE EIBAR.
  • Azalpena: Akondiako buzoia bezalakoa da. Buzoiaren ondoan plaka bat dago bertso honekin “Zenbat urtetan jasan dituzu / hainbat udazken ta negu / eibartar batek egin zintuan / bera da gure eredu / gaixorik nago senda nazazu / zinan eske ta erreguy / Brinkolatarrok entzun ondoren / zure zaintzale gera gu. 2006ko MAIATZA”. Dirudienez buzoia egoera txarrean zegoen eta 2006an berritu zuen Brinkolako mendizale talde batek
  • Egoera: ona

Azkonabieta

  • Mendia: Azkonabieta (Elgeta, Gipuzkoa)
  • Altuera: 728 m.
  • Testua: “2013ko martxoaren 23an Azkonabietan dugu hitzordu bertara gara Elgeta, Soraluze eta Eibartar mendizale gazteak bildu. Azkonabieta 724 m.”
  • Azalpena: klubaren izena eta logorik agertu ez arren, klubak Elgeta eta Soraluzeko klubekin batera jarritako buzoia da.
  • Egoera: ona

Topinburu

  • Mendia: Topinburu (Bergara, Gipuzkoa)
  • Altuera: 569 m.
  • Testua: “Topinburu 590 m.” Oinarrian dagoen plakan zera jartzen du: “28-3-83. JOSE ZABALA 1918-1966. JOSE ARANZETA 1903-1968. PATXI ABANZABALEGI 1909-1970. JOSE URRA 1919-1975. DANIEL KAREAGA 1920-1977. JOSE BIKUÑA 1930-1982. EIBARKO “URKUSUALDE” TALDEKOAK G.B.”
  • Buzoiaren ondoan, klubak jarritako beste oroigarri bat dago: “JOSE ETXEBERRIA AYERBE “QUERIDO”. DE TU FAMILIA Y AMIGOS DEL CLUB DEPORTIVO EIBAR 18-01-1912 – 22-02-2001″
  • Egoera: erdi-purdikoa, buzoiari gaineko tapa falta zaio eta urez betetzen da euria egiten duenean.

Urko

  • Mendia: Urko (Eibar, Gipuzkoa)
  • Altuera: 791 m
  • Testua: “URKO 791. INDALECIO OJANGUREN OROIMENEZ. 1988 ABENDUA. CLUB DEPORTIVO EIBAR”
  • Azalpena: elizatxo baten itxura duen buzoia. Altzairu erdoilgaitzez Eibarko Erdik egindakoa. 2020-12-28an jarri zen, 1988an jarri zen buzoi zaharra ordezkatuz.
  • Egoera: ona