Archivo de la categoría: Azkarrak

Gros Xake Taldea garaile 36. Eibarko Hiria Xake Txapelketan

Azkarrak, Ekintzak, Kronikak, Txapelketak

Larunbatean jokatutako Jose Mari Kruzetaren omenezko 36. Eibarko Hiria Xake Txapelketan Donostiako Gros Xake Taldea izan zen garaile 45 puntu pilatu ostean. Eguraldi ona lagun, Euskal Herri guztitik etorritako 14 talde bildu ziren Eibarren arratsalde osoan zehar jokatu zen txapelketan parte hartzera.

Aurten, berritasun gisa, 3 minutu eta jokaldi bakoitzagatik 2 segundo gehigarri ematen diren erritmoan jokatu ziren partidak, azkenaldian ohiko bihurtu diren erloju digitalei esker. Gainera xake-erraldoi bat ere jarri zen Untzagan eta bertaratu ziren asko eta askok jokatu zuten partidaren bat edo beste bertan.

Gros Xake Taldearen atzetik, sailkapenean Arrasate-Arlutz sailkatu zen 42 punturekin, ondoren Abadiño 39rekin, Errenteriako Fomento Cultural 37rekin eta Barakaldo 33rekin. Eibarko taldeei dagokienez, ez zuten egun onena izan, Deporreko A taldeak 10,5 punturekin azken aurreko postua lortu baitzuen, eta B taldeak, 7,5 punturekin azken postua. Lehenengo taldean Jon Arana, Xabier Beorlegi, Jose Antonio Garrido eta Lander Aja aritu ziren, eta bigarren taldean Diego Olmo, Aitor Beorlegi, Emilio José Freire eta Aimar García.

Sailkapen nagusia horrelaxe gelditu zen:

#TALDEAPUNTUAK
1GROS X.T. A45
2ARRASATE-ARLUTZ42
3ABADINO39
4FOMENTO CULTURAL37
5BARAKALDO33
6GROS X.T. B32
7ALFIL23.5
8EGIDAZU22
9SANTURTZI21.5
10BIDASOA20
11ANAITASUNA-KAKUTE16
12MARTINTXO15
13C.D. EIBAR A10.5
14C.D. EIBAR B7.5

Gainera, mahai bakoitzeko jokalari onenen sariak ere banatu ziren:

  • 1. mahaian: Juan Luis Alfaro (Fomento Cultural): 11,5 puntu 13 partidatik
  • 2. mahaian: Fran Miguel (Arrasate-Arlutz) eta Iñigo Argandoña (Gros X.T.): 12 puntu 13 partidatik
  • 3. mahaian: Txema Hernando (Arrasate-Arlutz): 12 puntu 13 partidatik
  • 4. mahaian: Aritz Eder Elexpe (Abadiño): 13 partidak irabazi zituen

Sari banaketak Eibarko Udalaren ordezkariak izan diren, Jon Iraola alkatea buru eta Ander Curiel kiroletako zinegotziarekin.

Azkoitia eta Elorrioko partida azkarren txapelketetan izan gara

Azkarrak

37. Azkoitia Hiria Txapelketa

Ekainaren 30ean Azkoitiko Anaitasuna-Kakute Xake Taldeak antolatutako partida azkarren txapelketa honetan izan zen Adrian Martinikorena, Oier Garcia, Aitor Beorlegui eta Lander Ajak osatutako taldea.

17 taldek jokatu zuten txapelketa eta gure taldeak 15.5 puntu eta 14. postua lortu zituen.

Eskerrik asko Azkoitiko lagunei gonbidapenagatik.

18. San Balentin Berrio-Otxoa

Uztailaren 14an Elorrioko Zaldi Baltza Elkarteak antolatutako partida azkarren txapelketa honetan izan zen Jose Antonio Garrido, David Pérez, Emilio José Freire eta Adrian Martinikorenak osatutako taldea.

12 taldek jokatu zuten txapelketan gure taldeak 23.5 puntu eta 6. postua lortu zituen.

Eskerrik asko Elorrixoko lagunei gonbidapenagatik.

Errenteriako Fomento Cultural garaile Eibarko Hiria 33. txapelketan

Azkarrak, Txapelketak

Larunbatean, uztailaren 1ean jokatu zen Jose Mari Kruzetaren omenezko Eibarko Hiria 33. partida azkarren xake txapelketa Euskal Herri guztitik etorritako 14 talderen partehartzearekin. Eguraldia zela-eta, partidak Udaletxearen arkupeetan jokatu genituen eta lau bat orduz xakea eta laguntasuna izan ziren aurtengo txapelketaren ezaugarri bertaratutako 70 jokalarien artean.

 

Jon Arana (Eibar) vs. Txus Agirretxe (Fomento Cultural)

Arratsaldea aurrera joan ahala ikusle asko agertu zen bertara, hiri erdian egonda xakea erakustarazteko leku ederra dela erakutsiz.

 

Klub Deportiboak bi talde aurkeztu zituen, baten Jon Arana, David Pérez, José Ricardo Gómez, José Antonio Garrido eta Emilio José Freire aritu ziren, bigarrenean Xabier Beorlegui, Adrian Martinikorena, Lander Aja eta Aitor Beorlegui.

 

Arratsalde guztiko 13 partiden ostean, Errenteriako Fomento Cultural gailendu zen 42 punturekin, Donostiako Easoren aurretik, 41,5 puntu lortu zituzten donostiarrek, eta Gros Xake Taldearen aurretik, hauek 35,5 puntu lortu zituzten. Eibarko taldeei dagokienez, Deportiboko A taldeak 7. postua lortu zuen 27 punturekin eta B taldeak 13.a 8,5 puntu lortuta.

Mahai bakoitzeko jokalari onenen sariak jokalari hauentzat izan ziren:

  • 1. mahaia: Luis Olaizola (Gros Xake Taldea): 10,5 puntu
  • 2. mahaia: Juan Carlos Lakunza (Easo): 11 puntu
  • 3. mahaia: Oscar Diez (Izeaga): 13 puntu (partida guztiak irabazita)
  • 4. mahaia: Iñigo Galarza (Fomento Cultural): 13 puntu  (partida guztiak irabazita)

 

Txapelketa bukatuta egin zen sari banaketan Patxi Lejardi Eibarko Udaleko kultura eta euskara zinegotzia, eta Margari Olañeta Jose Mari Kruzetaren alarguna izan ziren.

Saritu guztiak

Sari banaketaren ostean, laguntasun afarian hartu genuen parte guztiok Eibarko Klub Deportiboaren egoitzan.

 

Txapeldunak: Fomento Cultural (Txus Agirretxe)

Eskerrik asko Eibarrera etorri zineten guztioi eta datorren urtean ere zuek hemen izatea espero dugu.

Informazio osatua eta argazki-galeria hemen.

Kronikak: