XXV. Simon Aldazabal. Arrateko Igoera Orbetik. 2020-10-04

Urriak 4an ospatuko dugu XXV. Simon Aldazabal lasterketa. Goizeko 10:30 an hasiko da eta Klub Deportiboko paretik irtenda, korrikalariek Arratera heldu beharko dira Orbeko pistatik igota eta 20% aldapak gaindituta.

COVID dela eta, arautegi berri bat prestatu dugu:

ARAUTEGIA

Eguna: 2020/10/04

Ordua: Goizeko 10:30etan. Lehen hirukoteak 10:30etan irtengo du eta azkenak 10:40an

Irteera: Eibarko klub deportiboaren atarian. Toribio Etxeberria 16

Helmuga: Arrateko zelaian

Ibilbidea: Errepidez azitain bitartean eta Eibarko sahiesbidea eskaileretatik gurutzatuta, Orbeko bidetik gora Arrateraino igoko da. 5,6 km.

Covid. protokoloa eta neurriak.

Izen ematea: dohainik. Irailak 25, 26, 29, 30 eta Urriak 1, Klubeko tabernan. 5:30etatik 9:30etara bitartean.

Dortsalak jasotzeko: Urriaren 2 eta 3an klubeko tabernan 5:30etatik 9:30etara

Partaide kopurua: gehienez 100

Izena emandakoen kopurua 100tik pasatzen bada, jarraian adierazten diren erizpideak hartuko dira kontuan:

  • Elkarteko bazkide izatea.
  • Azken bi ekitaldiko batean parte hartu izana eta Eibartarra izatea
  • Azken bi ekitaldiko batean parte hartu izana nahiz eta Eibartarra ez izan.
  • Eibartarra izatea
  • Izena emateko ordena

Egoera dela eta hartuko diren neurriak:

  • Izena ematea eta dortsalak jasotzea aurrez egingo da, irteera uneko pilaketak ekiditzeko
  • Beroketa irteera gunetik kanpo egitea gomendatzen da
  • Partaide guztiek maskarila jarrita izan beharko dute korrikalari bakoitzari dagokion irteera eman arte.
  • Aldatzeko erropak, antolakuntzak adieraziko duen gunean utzi beharko dira. Motxila edo poltsa baten barruan.
  • Irteera hirunaka emango da eta multzoen artean 15 segundoko tartearekin.
  • Korrikalariak taldean joatea ekidin behar dute; eta aurreratze uneetan izan ezik hiru metroko tartea utzi beharko da korrikalarien artean
  • Irteera ematean maskarila kendu eta toki berean kokatuta izango den poltsa batean bota beharko da.
  • Izena ematean telefonua edo eta emaila adierazi beharko du; edozein egoera dela eta pertsonarekin harremanetan jartzeko. Karrera eta 15 egunetara datu pertsonal guztiak ezabatuko dira.
  • Irteera eta helmuga puntuan gel desinfektatzailea ipiniko da.
  • Helmugara iristean Arrateko espazio zabalean kokatuta; atleta bakoitzak bere eskura izango du: Maskarila berri bat, ura, fruta (enbasatuak)..,.. eta bakoitzaren poltsa pertsonala, erropak aldatu ,…. egiteko.
  • Ez da dutxa zerbitzurik izango.
  • Sailkapenak, atleta bakoitzaren denbora errealakin, Arrateko lau puntu ezberdinetan kokatuko ditugu; distantzia mantendu eta pilaketak ekiditzeko. Bakoitzaren email pertsonalera ere bidaliko ditugu.
  • XXV. Simon Aldazabal dela eta, aurtengoan partaide bakoitzak, karreraren origarri bat jasoko du.
Kategoria: Sin categoría. Gorde lotura.

Utzi erantzuna

Zure e-posta helbidea ez da argitaratuko.

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.