Archivo de la categoría: Sin categoría

Gros Xake Taldea garailea Eibarko Hiria 37. Xake Txapelketan

Eguraldi ederrarekin Euskal Herri osotik etorritako 19 talde elkartu ziren Untzaga plazan larunbatean 37. Eibarko Hiria Jose Mari Kruzetaren omenezko partida azkarren txapelketa jokatzeko.

Eibarko hiru taldez gain, Donostia, Errenteria, Gasteiz, Iruñea, Zornotza edo Barakaldoko taldeak elkartu ziren, besteak beste, Untzaga plazan larunbat arratsaldez.

Bost ordutik gora iraun zuen txapelketan 18 partida jokatu zituen 4 jokalariz osatutako talde bakoitzak eta azkenean Donostiako Gros Xake Taldea izan zen garaile 66 punturekin. Bigarren postua Errenteriako Fomento Cultural taldearentzat izan zen 62,5 punturekin eta hirugarrena Oberenako iruindarrentzat 55,5 puntu lortu zituztelarik.

Eibarko Klub Deportiboko taldeek 14, 15 eta 17. postuak lortu zituzten 21,5, 21 eta 16 punturekin, hurrenez hurren.

Sailkapen nagusia, beraz, horrela gelditu zen:

  1. Gros Xake Taldea (Donostia) 66 pt.
  2. Fomento Cultural (Errenteria) 62,5 pt.
  3. Oberena (Iruñea) 55,5 pt.
  4. Alfil (Beasain) 50 pt.
  5. Zornotza 48,5 pt
  6. Barakaldo 48,5 pt
  7. Martintxo (Vitoria-Gasteiz) 46
  8. Gros B (Donostia) 44,5 pt.
  9. Santurtzi 36,5 pt
  10. Billabona-Tolosa 34,5 pt
  11. Hondarribi-Marlaxka 34 pt
  12. Ermua 31 pt.
  13. Arrasate-Arlutz 31 pt.
  14. C.D. Eibar B 21,5 pt.
  15. C.D. Eibar A 21 pt.
  16. Zaldi Baltza (Elorrio) 18,5 pt.
  17. C.D. Eibar C 16 pt.
  18. Anaitasuna Kakute 14,5 pt.
  19. Anaitasuna Kakukte Neskak 4 pt.

Nabarmentzekoa da aurtengoan txapelketak izan duen emakumezko jokalari kopurua. Xake txapelketetan normalean gizonezkoen partehartzea ia erabatekoa izaten da, eta aurtengoan taldeen erdietan emakumezko jokalariak izan genituen eta baita emakumez bakarrik osatutako talde bat ere, Azkoitiko Anaitasuna Kakute elkartekoa hain zuzen ere.

Mahai bakoitzeko jokalari onenari dagozkion sariak hauentzat izan ziran:

  • 1. mahaia: Santiago Gonzalez de la Torre Nazioarteko Maisua, Gros Xake Taldea
  • 2. mahaia: Jose Ramon Ros Eskisabel, FIDE Maisua, Fomento Cultural
  • 3. mahaia: Aritz Abalia Patiño, Gros Xake Taldea
  • 4. mahaia: Mikel Alvarado Fernandez, Fomento Cultural.

Sari banaketa ekitaldian Eibarko alkate jauna, Jon Iraola Iriondo eta Andoni Zabala Atristrain zinegotziek hartu zuten parte, Eibarko Klub Deportiboko ordezkariekin batera.

Talde eta jokalari guztiek 2024an, klubaren mendeurrenaren urtean, berriz ere bertaratzeko gonbidapena luzatu genien. Datorren urtean berriz ere elkar ikusiko dugu!

Larunbatean jokatuko da Eibarko Hiria 37. Xake Txapelketa

Larunbatean arratsaldeko 16:30tatik aurrera jokatuko da Untzaga plazan
Jose Mari Kruzetaren omenezko Eibarko Hiria 37. Xake Txapelketa
Eibarko Klub Deportiboak antolatuta.

Euskal Herri guztiko 18 talde ezberdinen partehartzearekin, arratsalde
guztian zehar, 5 minutuko partidak jokatuko dituzte bertaratutako
jokalariek. Partida modalitate hau xakeak duen bizi eta ikusgarriena
da, minutu gutxiren buruan bukatu behar izaten baitute partida
jokalariek.

Untzagan izango dira larunbatean azken edizioetako txapeldunak,
Donostiako Gros Xake Taldea edo Errenteriako Fomento Cultural; eta
baita Arrasate, Hondarribia, Beasain edo Gasteizko taldeak ere, batzuk
esatearren.

Partidak Untzaga plazan jokatuko dira, horrela Klub Deportiboak duen
xakea kalera ateratzeko helburua betez. Eguraldiak lagunduko ez balu,
partidak Udaletxearen arkupean jokatuko dira.

2023-2024 ikasturteko xake eskolako matrikulazioa ireki dugu

2023-2024 ikasturterako xake eskolarako izen-ematea ireki dugu 8 eta 12 urte bitarteko haurrentzat.

10 ikasleko bi talde baino ez dira egongo eta ordutegi honekin:
Ostiralean 18:00etatik 19:00etara. Ostiralean 19:00etatik 20:00etara.
Klaseak irailaren 22an hasiko dira, Eibarko Klub Deportiboko egoitzan izango dira eta euskaraz emango dira.

Prezioa 12 € hilean. Liburuak eta sariak prezioan sartzen dira.

Izena emateko idatzi xakea@deporeibar.com helbidera.

Jaiotze data, haurraren izena eta abizena dira oraingoz behar ditugun datuak.

Izen-ematea irailaren 15era arte egongo da zabalik, aurretik 20 plazak agortu ez badira.