Archivo de la categoría: Kronikak

Gros Xake Taldea garaile 36. Eibarko Hiria Xake Txapelketan

Azkarrak, Ekintzak, Kronikak, Txapelketak

Larunbatean jokatutako Jose Mari Kruzetaren omenezko 36. Eibarko Hiria Xake Txapelketan Donostiako Gros Xake Taldea izan zen garaile 45 puntu pilatu ostean. Eguraldi ona lagun, Euskal Herri guztitik etorritako 14 talde bildu ziren Eibarren arratsalde osoan zehar jokatu zen txapelketan parte hartzera.

Aurten, berritasun gisa, 3 minutu eta jokaldi bakoitzagatik 2 segundo gehigarri ematen diren erritmoan jokatu ziren partidak, azkenaldian ohiko bihurtu diren erloju digitalei esker. Gainera xake-erraldoi bat ere jarri zen Untzagan eta bertaratu ziren asko eta askok jokatu zuten partidaren bat edo beste bertan.

Gros Xake Taldearen atzetik, sailkapenean Arrasate-Arlutz sailkatu zen 42 punturekin, ondoren Abadiño 39rekin, Errenteriako Fomento Cultural 37rekin eta Barakaldo 33rekin. Eibarko taldeei dagokienez, ez zuten egun onena izan, Deporreko A taldeak 10,5 punturekin azken aurreko postua lortu baitzuen, eta B taldeak, 7,5 punturekin azken postua. Lehenengo taldean Jon Arana, Xabier Beorlegi, Jose Antonio Garrido eta Lander Aja aritu ziren, eta bigarren taldean Diego Olmo, Aitor Beorlegi, Emilio José Freire eta Aimar García.

Sailkapen nagusia horrelaxe gelditu zen:

#TALDEAPUNTUAK
1GROS X.T. A45
2ARRASATE-ARLUTZ42
3ABADINO39
4FOMENTO CULTURAL37
5BARAKALDO33
6GROS X.T. B32
7ALFIL23.5
8EGIDAZU22
9SANTURTZI21.5
10BIDASOA20
11ANAITASUNA-KAKUTE16
12MARTINTXO15
13C.D. EIBAR A10.5
14C.D. EIBAR B7.5

Gainera, mahai bakoitzeko jokalari onenen sariak ere banatu ziren:

  • 1. mahaian: Juan Luis Alfaro (Fomento Cultural): 11,5 puntu 13 partidatik
  • 2. mahaian: Fran Miguel (Arrasate-Arlutz) eta Iñigo Argandoña (Gros X.T.): 12 puntu 13 partidatik
  • 3. mahaian: Txema Hernando (Arrasate-Arlutz): 12 puntu 13 partidatik
  • 4. mahaian: Aritz Eder Elexpe (Abadiño): 13 partidak irabazi zituen

Sari banaketak Eibarko Udalaren ordezkariak izan diren, Jon Iraola alkatea buru eta Ander Curiel kiroletako zinegotziarekin.

Hala-holako emaitzak hirugarren txandan

Campeonato de Gipuzkoa, Kronikak, Liga

Hirugarren txandan berriz bere berdinketa eta porrota izan zituzten gure xake taldeek.

Lehenengo mailako taldeak Donostian jokatu zuen Baionaren aurka. Lehendabizi eskerrak eman nahi dizkiogu Gros Xake Taldeari partidak bere egoitzan jokatzeko aukera eskaintzen digulako. Baiona Gipuzkoako Ligan jokatzen hasi zenetik, dena dela partida jokatzeko lekua Donostian jokatzea adosten dugu, guztion bidaia arinagoa izan dadin. Horretarako beti prest egon ohi dira Baionako lagunak eta baita Gros Xake Taldea ere egoitza uzteko.

Baiona2-2C.D. Eibar A
Laurent Gattegno (Z)0-1Jon Arana (B)
Alain Darrigues (B)1-0Jon Esturo (Z)
Bernard Daubas (Z)0-1Mikel Larreategi (B)
Jean Paul Tholey (B)1-0Jose Antonio Garrido (Z)

Beltzen arratsaldea izan zen zalantzari gabe larunbatekoa. Jonen partidan, Laurentek eraso gogorra egin zuen Jonen endrokearen aurka, baina ondo eutsi zion honek erasoari. Hain gogorra izan zen erasoa, ezen Laurenten erregea biluzik gelditu zen, peoi baten ere laguntza gabe. Jon izan zen erasoa egiten hurrengoa eta asmatu egin zuen, partida irabaziz.

Bigarren mahaian Jon despistatu egin zen kalkulu baten, eta alfila eman zuen peoi baten truke. Alainek, aldiz, ondo erantzun zuen eta abantaila lortzeaz bat pieza guztiak aldatu zituen, finalaren atarira abantaila handiarekin iritsiz. Jonek amore eman behar izan zuen.

Hirugarren mahaian Mikel ez zen gaizki irten irekieratik, baina Bernardek abantailatxoa lortu zuen erdi-jokoan. Hala ere, piezak aldatu zituenean Mikelek trukotxo bat aurkitu zuen posizioan eta gaztelua lortu zuen alfilaren truke. Horren ostean bi gaztelu, gaztelu eta alfilaren aurkako finala jokatu zuten, eta Mikelek ondo neutralizatu zituen Bernarden erasoak, azkenean gaztelu bat eta peoi gehienak aldatu eta dama sustatuz partida irabazteko.

Laugarren mahaian, Joseanek hainbatetan eskaini zion berdinketa Jean Pauli, baina honek ez zuen onartu. Piezak aldatu ostean partidak berdinketan amaituko zuela zirudienean, Jean Paulek tranpatxo bat utzi zuen posizioan eta Josean hantxe jausi zen partida galduz.

Bigarren berdinketa jarraian lehenengo mailako taldearentzat.

4-0eko porrota hirugarren mailan

Hirugarren mailako taldeak ez dio oraindik neurria hartu txapelketari eta 4-0eko emaitzarekin galdu zuen Elgoibarren jokatutako partidan.

ITS Security – Elgoibar B4-0C.D. Eibar B
Ivan Fernandez (Z)1-0Adrian Martinikorena (B)
Santiago Fernandez (B)1-0Oier García (Z)
Jon Aingeru Gurrutxaga (Z)1-0Aitor Beorlegui (B)
Andoni Lersundi (B)1-0Lander Aja (Z)

Argazkiak Elgoibarko Zubi Ondo Xake Elkarteak bidalitakoak dira. Eskerrik asko.

32. Faaker See txapelketaren kronikatxoa

Ekintzak, Kronikak, Txapelketak

Abuztuaren 13tik 20ra klubeko xake jokalari batzuk Austriako Latschach herrian jokatutako Faaker See txapelketaren 32. edizioan jokalari aritu gara oporraldia eta xakea uztartuz.

Bidaiko laukotea Venezian
Bidaiko laukotea Venezian

Austriako hegoaldean, Villachetik gertu jokatu zen txapelketan guztira 90 jokalari bildu ziren eta euren artean ziren klubeko Jon Arana, Edu Olabe eta Mikel Larreategi eta Asier Etxagibel arrasatearra. Aurrerago Frantzian, Herbereetan edo Italian bezala, oporraldia eta xakea batzeak ideia zoragarria izaten jarraitzen du eta aurtengoan ere horrela izan da.

Jokalekua
Jokalekua

Jon Arana vs. Patrick Gelbenegger
Jon Arana vs. Patrick Gelbenegger

Markus Gaertner vs. Edu Olabe
Markus Gaertner vs. Edu Olabe

Markus Lipynski vs. Asier Etxagibel
Markus Lipynski vs. Asier Etxagibel

Bidaian zehar, Venezia, Ljubljana edo Bled ezagutzeko aukera izan dugu. Villach inguruko Faaker, Ossiacher edo Wörthersee lakuak ikusi baina bertan bainatzeko aukerarik ez genuen izan, eta 2000 metrotik gorako Mittagskogel mendira igotzeko ere aprobetxatu genuen. Ingurua zoragarria iruditu zitzaigun: mendiz inguratutako lautada bat, eguraldia ere ederra aire libreko hainbat eta hainbat ekintza egiteko guztiz prestatuta baitago.

Xakeari dagokionez (hemen sailkapen nagusia) Asier Etxagibel izan zen laukoteko jokalari onena, 5,5 punturekin 15. postua lortuz partidarik galdu ere egin gabe. Edu Olabe eta Jon Aranak 5 puntu lortu zituzten eta 27 eta 28. postua lortu zuten. Mikel Larreategik 4 puntu lortu zituen eta 52. postuan sailkatu zen. Txapelketaren jaun eta jabea Andrei Istratescu izan zen 8.5 puntu lortuta txapeldun gelditu zena.

Garaileen podiuma

Andrei Istratescu vs. Emanuel Frank
Andrei Istratescu vs. Emanuel Frank

Txapelketa Latschacheko kultura etxeko areto nagusian jokatu zen. Bitxikeria gisa, partidak 19:00tan hasten ziren eta erritmoa nahiko luzea zen: 90 minutu 40 jokaldi egiteko eta ondoren 30 minutu gehiago, uneoro jokaldi bakoitzagatik 30 segunduko gehigarriarekin. Txapelketan zehar normala egin zitzaigun gu partida jokatu aurretik kafea hartzera joan eta han txapelketa jokatzen ari ziren beste jokalari batzuk afaltzen aurkitzea. Ordutegi bereziak guretzat, zalantza gabe.

Jokalekurako sarrera
Jokalekurako sarrera

Eta datorren urterako zer? Badarabilgu zerbait buruan, topatuko dugu beste bidai eta txapelketa interesgarri bat!

Mikel Larreategi, Mittagskogel gailurrean
Mikel Larreategi, Mittagskogel gailurrean