Archivos de la categoría Liga

8. postuan amaitu dugu Gipuzkoako Taldekako Txapelketa

Azkenean nahi baino larritasun handiagoarekin baina lortu dugu Lehenengo Mailari eustea. Gipuzkoako Taldekako Xake Txapelketaren azken neurketa jokatu zen larunbatez Eibarren, aurrean Legazpiko Santikutz taldea izan genuelarik.

Lortutako emaitza bikaina izan zen, 3.5-0.5eko garaipena. Jon Arana, Jon Esturo eta Aitor Beorleguik irabazi egin zuten Joseba Urdangarin, Ismael Anton eta Patxi Imazen aurka eta Jose Antonio Garridok berdindu Mario Gallegoren aurka.

Azkenean 8. postuan amaitu dugu 20,5 punturekin:

Pos. Nombre Ptos. Modif.Ptos. Ptos.Def.
1 GROS D 27,5 0 27,5
2 IDIAZABAL A 25,5 0 25,5
3 HERNANI A 24,5 0 24,5
4 BAIONA 24,5 0 24,5
5 EASO B 23 0 23
6 HONDARRIBIA-MARLAXKA B 22,5 0 22,5
7 SANTIKUTZ-LEGAZPI A 22 0 22
8 EIBAR A 20,5 0 20,5
9 FORTUNA A 20,5 0 20,5
10 ARRASATE-ARLUTZ C 20 0 20
11 MEKATAR – ELGOIBAR A 18,5 0 18,5
12 GROS E 15 0 15

Urtea nola joan den ikusita, azkenean Fortuna eta Arrasate-Arlutzen aurretik geratzea lortu dugu.

Orain beste era bateko txapelketak izango ditugu aurrean. Datorren asteburuan Gipuzkoako Eskolarteko Txapelketan arituko dira xake eskolako ikasle batzuk eta beste txapelketa irekiren baten ere hartuko dugu parte.

Ah! eta San Juanetan gure partida azkarren txapelketa izango dugu, ekainaren 30ean hain zuzen ere!

Garaipena azkenean!

Larunbatean Gipuzkoako Taldekako Xake Txapelketaren 9. txanda jokatu zuen gure lehenengo taldeak, bertan aurkari Donostiako Gros D taldea izan zuelarik. Gros D sailkapenaren aurrealdean egonda, ez zirudien neurketa erraza izango zenik, eta partida luze eta interesgarriak ikusi genituen bertan.

Eibartarren aldetik, Jon Arana eta Jon Esturok Markel Zuloaga eta Alexander Rodriguez garaitu zituzten. Mikel Larreategik berdindu egin zuen Mikel Benaitoren aurka eta Jose Antonio Garridok galdu egin zuen Christian Sánchezen aurka.

Asteburuko garaipenak indarra eman dio taldeari azken bi txandak jokatzeko eta mailari eusteko behar diren puntuak lortzeko. Larunbatean Arrasate-Arlutz C taldea izango du aurrean, Arrasaten 16:00tan jokatuko den neurketan. Azken partida, aldiz, apirilaren 14an Errepublikaren Egunez jokatuko da Deporren Santikutz-Legazpiren aurka.

Eibarko zonaldeko eskolarteko txapelketaren lehenengo jardunaldia

Igande goizean jokatu zen Eibarko Klub Deportiboaren egoitzan Eibarko zonaldeari dagokion Gipuzkoako Eskolarteko Xake Txapelketaren lehenengo jardunaldia. Guztira 24 jokalari bertaratu ziren (3 infantiletan, 8 alebinetan eta 13 benjaminetan) eta goiz guztian zehar aritu ziren.

Jokatutako partiden ostean, benjamin mailan Zehao Ye (Aldatze) izan zen puntu gehien lortu zuena, alebin mailan Aritz Tornay (Arrasate) eta infantil mailan Adrian Martinikorena (Itzio BHI).

Datorren igandean jokatuko da bigarren jardunaldia, 10:00tatik aurrera, Eibarko Klub Deportiboan bertan, eta irekita dago izenematea oraindik.

Porrotak Gipuzkoako Ligan

Gipuzkoako Taldekako ligan ez zituzten emaitza onak lortu gure xake taldeek. Lehenengo mailako taldeak 1-3ko porrota izan zuen Hondarribi-Marlaxka B taldearen aurka, partida bakarra Jon Aranak irabazi zuen, eta Hirugarren mailakoak 0,5-3,5 galdu zuen Mekatar-Elgoibar B taldearen aurka. Gainera emaitza honekin, hirugarren mailako taldeak liga bukatu du eta ez du lortu igoera fasea jokatzeko txartela.

Lehenengo mailako taldeak larunbatean jokatuko du hurrengo txanda Donostian, Fortuna taldearen aurka 16:00tatik aurrera Zuhaizti kiroldegian jokatuko den neurketan.

Berdinketa

Seigarren txandan berdinketak izan ditugu bai Lehenengo Mailan Gros Eren aurka Donostian jokatutako neurketan eta baita Hirugarren mailan Mekatar Elgoibar Cren aurka jokatutakoan.

Emaitza hauen ostean, Lehenengo mailako sailkapenean 10. postuan gaude 9,5 punturekin eta Hirugarren mailan 2. 14,5 punturekin.

Datorren larunbatean 7. txanda jokatuko da eta Lehenengo Mailako taldeak Hondarribi Marlaxka B izango du aurrean Deporren 16:00tan hasita jokatuko den neurketan.

Hirugarren mailako taldeak lehen fase honetako azken partida jokatuko du Mekatar Elgoibar B liderraren aurka, eta neurketa honen emaitzaren ostean jakingo du igoera fasea jokatzeko aukera duen ala ez.

Eskolarteko Txapelketa igandean

Bestaldea, otsailaren 25ean eta martxoaren 4an Gipuzkoako Eskolarteko Xake Txapelketari dagokion zonalde-txapelketa jokatuko da Eibarren. Informazio gehiago hemen.