Todas las entradas de: xakea

2021-2022 ikasturteko xake eskolako matrikulazioa ireki dugu

Ireki dugu 2021-2022 ikasturterako xake eskolarako matrikulazioa.

Daukagun osasun-egoera dela-eta hasiera baten bi talde egingo ditugu, ordutegi honekin: 

  • Ostirala 18:00tik – 19:00ra
  • Ostirala 19:00tik – 20:00ra

Taldeek 8 ikasleko parte-hartzaile muga izango dute.

Klaseak Eibarko Klub Deportiboaren egoitzan izango dira.

Izen-emateko lehentasuna izango dute 2019-2020 ikasturtean izena emanda egon ziren ikasleek.

Izena emateko izen-emate orria bidali behar da edo Deporrera ekarri. Informazio gehiagorako idatzi xakea@deporeibar.com helbidera.

Izen-ematea urriaren 8ra arte egongo da zabalik eta klaseak urriaren 15ean hasiko dira.

Deskargatu izen-emate orria formatu irekian (ODT)

Deskargatu izen-emate orria Word formatuan (DOCX)

Lehiaketa eta ekintza guztiak bertan behera utzi ditu Gipuzkoako Federazioak

Gipuzkoako Xake Federazioak urtarrilaren 10ean egindako Batzar Nagusian erabaki zuenez 2021 urtean ez da taldekako Gipuzkoako Txapelketarik jokatuko, 2022 urterako utziko den taldekako txapelketa 2021ean jokatu behar zen baldintzetan jokatzea erabaki zuen.

Era berean urrian jokatzen hasi eta 3 txandaren ondoren bertan behera gelditu ziren bakarkako txapelketak oraindik bertan behera ez uztea erabaki zuen, baina uztaila aurretik txapelketok jokatzen jarraitzeko aukera sortuko balitz Batzar Nagusiak erabakiko luke noiz eta zein baldintzatan hasi.

Hortik aurrera, agian baldintzen arabera, taldekako beste lehiaketaren bat antolatuko du Federazioak, agian online izango da, baina hori guzti hori beste momentu baten erabakiko da.

Guk gure aldetik ez dugu xake eskola berriz ere hasiko, eta irailean hartuko dugu datorren ikasturteari buruzko erabakia.

Bigarren eta hirugarren txandetako emaitzak

Hona hemen Gipuzkoako Bakarkako Txapelketen bigarren eta hirugarren txandetako emaitzak

  • Maila Nagusia: Xabier Beorlegui – + Nathaniel Capote
  • 2. maila: Markel Vesga 1–0 Adrian Martinikorena
  • 3. maila: Aitor Beorlegui +– Asier Corral
  • 3. maila: Oier Garcia 1–0 Luken Larrinaga
  • Maila Nagusia: Xabier Beorlegui 1/2 Carlos Berdote
  • 2. maila: Adrian Martinikorena 1-0 Ricardo Campos
  • 3. maila: Aitor Beorlegui 1/2 Iñigo Mijole
  • 3. maila: Javier Burgos 1-0 Oier Garcia

Ondo bidea, datorren asteko laugarren txandako partidak hauexek izango dira:

  • Maila Nagusia: Mikel Benaito – Xabier Beorlegui
  • 2. maila: Jose Ignacio Ruiz de Oña – Adrian Martinikorena
  • 3. maila: Oier Garcia – Jagoba de Albillos
  • 3. maila: Aitor Beorlegi – Xabier Yurramendi

Emaitza guztiak hementxe lortu daitezke:

Gipuzkoako Txapelketen lehenengo txandako emaitzak

Larunbatean hasi ziren Gipuzkoako Bakarkako Xake Txapelketak Donostiako Gros Xake Taldearen egoitzan. Gure taldekideen iritziz antolakuntza ona izan zen, mahai eta jokalarien arteko distantziak egokiak ziren eta maskarak eraman beharra izan arren, partidak jokatzeko giro egokia izan zuten. Hona hemen gure jokalarien emaitzak:

  • Maila Nagusia: Asier Etxagibel 0-1 Xabier Beorlegui
  • 2. maila: Adrian Martinikorena 1-0 Enara Garcia
  • 3. maila: Zigor Garcia + – Oier Garcia: COVID protokoloa jarraituz, ez zen partida jokatu
  • 3. maila: Igor Jauregi 1-0 Aitor Beorlegui

Datorren astean jokatuko den 2. txandako partidak hauexek izango dira:

  • Maila Nagusia: Xabier Beorlegui – Nathaniel Capote
  • 2. maila: Markel Vesga – Adrian Martinikorena
  • 3. maila: Aitor Beorlegui – Asier Corral
  • 3. maila: Oier Garcia – Luken Larrinaga

Emaitza guztiak hementxe lortu daitezke: