Beste urtebetez Untzaga plazak Euskal Herri guztitik etorritako jokalariak hartu zituen Jose Mari Kruzetaren oroimenezko Eibarko Hiria 40. xake txaplketan.
Donostia, Santurtzi, Gasteiz, Beasain edo Aretxabaletatik, batzuk esatearren, etorritako jokalariek 16:30tan hasita lau ordu t’erdikotxapelketa osatu zuten, talde guztiek guztien aurka jokatuz.
Hamazazpi txandaren ostean, Portugaleteko xake elkarteko laukoteak bere nagusitasuna erakutsi zuen 60 puntu lortuz. Podiumean Abadiño (53.5 puntu) eta Barakaldo (47.5 puntu) izan zituen bidelagun.
Gainontzeko sariak, Alfil (Beasain, 47 puntu), Gros Xake Taldea (Donostia, 40 puntu), Egidazu (Gasteiz, 38.5 puntu) eta Hondarribi-Marlaxka (35 puntu) taldeentzat izan ziren.
Etxeko taldeei begiratuz, Eibarko Klub Deportiboko A taldeak 29,5 puntu lortu zituen, B taldeak 24.5 eta C taldeak 10 puntu.
Txapelketako aipamen berezia, Azkoitiko Anaitasuna-Kakute elkarteko emakumeek osatutako Anai Neskak taldearentzat izan zen, urte guztian emakumeen xakearen alde egiten duten lanagatik.
Sari banaketan, Eibarko Klub Deportiboko ordezkariez gain, Eibarko Udalaren ordezkariak eta Kruzeta familiako ordezkariak izan ziren.
| POSTUA | TALDEA | PUNTUAK |
| 1 | PORTUGALETE | 60 |
| 2 | ABADIÑO | 53.5 |
| 3 | BARAKALDO | 47.5 |
| 4 | ALFIL | 47 |
| 5 | GROS XAKE TALDEA | 40 |
| 6 | EGIDAZU | 38.5 |
| 7 | HONDARRIBI-MARLAXKA | 35 |
| 8 | ERMUTARRAK | 34 |
| 9 | SANTURTZI | 33 |
| 10 | C.D. EIBAR A | 29.5 |
| 11 | ARRASATE-ARLUTZ | 27 |
| 12 | C.D. EIBAR B | 24.5 |
| 13 | BERGARA | 24 |
| 14 | VILLABONA | 23.5 |
| 15 | ZUBI ONDO – ELGOIBAR | 12 |
| 16 | C.D. EIBAR C | 10 |
| 17 | ANAI NESKAK | 5 |
Argazkiak: Xabier Beorlegui, Asier Ibaibarriaga eta Goio Uriarte.