Irabazi, berdindu eta galdu

Denetariko emaitzak Deporreko xakelarientzat Gipuzkoako Txapelketa Nagusiko 5. txandan. Haritzek Jose Luis Guijarroren aurka berdindu egin du pieza beltzetkin, Jon Aranak Alberto Carrascal garaitu du eta Julen Garrok galdu egin du Iñigo Galarza pasaitarrarekin.

Haritzek, beraz, 3.5 puntu ditu, Jonek 2.5, Julenek 2 eta Eduk 1,5.

Datorren asteburuan Haritzek Egoiz Irure Anaitasuna Kakuteko jokalariaren aurka jokatuko du, Jon Aranak Nabar Tejedor hondarribitarra izango du aurrean, Julen Garrok Siu Hung Tung eta Edu Olabek Aritz Izagirre.

Sailkapenaren goialdean sorpresa izan dugu gaurkoan, Asier Urretabizkaiak Iñigo Martin garaitu baitu. Asier da beraz Txapelketako liderra, jokatutako 5 partidak irabazita. Bere atzetik Alejandro Franco Nazioarteko Maisua dago 4 punturekin, eta gero 6 jokalarik osatutako taldea guztiek 3,5 puntu dituztelarik, eta euren artean dago Haritz.