Gros Xake Taldeak irabazi zuen Kruzetaren Omenezko Txapelketa

Gros Xake Taldea

Gros Xake Taldea

Donostiako Gros Xake Taldeak irabazi zuen, 62 puntu lortuta, larunbatean
Eibarko Untzaga Plazan jokatu zen Jose Mari Kruzetaren omenezko XXIII
Eibarko Hiria xake partida azkarren txapelketa.

Euskal Herri guztiko 18 talde eta 75 jokalari bildu zituen txapelketa
arratsaldeko 16:30tatik 20:30tara jokatu zen, Gros Xake Taldeak ez zuen
zailtasun larregirik izan txapelketa eramateko, 6 puntu bakarrik utzi
baitzituen irabazi gabe.

Donostiarren atzetik iazko txapeldunak, Errenteriako Fomento-Beraun
taldeko jokalariak gelditu ziren 57 punturekin, eta hirugarren postuan
Abadiñoko jokalariak. Eibarko Klub Deportiboak hiru talde aurkeztu
zituen txapelketan, eta 7. (38 punturekin), 15. (20.5 punturekin) eta
17. (11 punturekin) postuetan sailkatu ziren. Haritz Garro, José Ricardo
Gomez, Emilio Freire, Jon Arana, Manuel López, Edu Olabe, Mikel Baena,
Julen Garro, Bruno Belar, Jon Zarraua, Ander Egurrola, Xabier Ruiz,
Manuel Paredes eta Jokin Larrañaga izan ziren eibartarren koloreekin
jokatu zuten jokalariak.

Mahai bakoitzean jokatu zuen jokalari onenari emandako sariak hauexek
izan ziren:

  • 1go mahaiko jokalari onena: Txus Agirretxe (Fomento) 16 puntu
  • 2. mahaiko jokalari onena: Elvis Hernandez (Gros) 14.5 puntu
  • 3. mahaiko jokalari onena: Ivan Muñoz (Gros) 16 puntu
  • 4. mahaiko jokalari onena: Luis Olaizola (Gros) 16 puntu

Sari banaketan Ana Rodriguez, Eibarko Udalaren Kirol gaietako
zinegotzia, Margari Olañeta Jose Mari Kruzetaren alarguna eta Mikel
Larreategi Eibarko Klub Deportiboaren presidentea egon ziren.

Eibarko Klub Deportiboaren Xake Joko Batzordeak, eskerrak eman nahi
dizkie azken urte honetan bere lana aurrera eramateko laguntza eskaini
dioten pertsona eta elkarte, bereziki Arrate Kultur Elkarteari
(Gipuzkoako Txapelketa Nagusia antolatzeko eskainitako laguntzagatik)
eta Eibarko Udalari. Baita Eibarko komunikabideei ere, gure lana
ezagutarazteko emandako laguntzagatik.

Argazki guztiak

Bideoak ikusi

Txapelketaren datu guztiak

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.