Archivo por meses: abril 2006

Sergio Trigo eta Bruno Villanueva dira Euskadiko Txapeldun Berriak

Txapelketako partehartzaile guztiak

Txapelketako partehartzaile guztiak

Apirilaren 18tik 22ra Eibarko Unibertsitate Laboralean jokatu diren Euskadiko Kadete eta Jubenilen txapelketetatik irten dira 2006ko txapeldun berrien izenak: Sergio Trigo jubenil mailan eta Bruno Villanueva kadeteetan, izan dira txapelketak irabazi dituztenak.

Jubeniletan 5 eta 6 jokalariko bi talde osatu ziren txapelketa hasteko. Lehenengo 5 txanden ondoren, alde batetik Jon Angulo eta Ander Zulaika eta bestetik Iñigo Martin eta Sergio Trigo, sailkatu ziren sailkapenenko lehenengo 4 postuengatik borroka egiteko. Iñigo Martin donostiarrak zailtasun handirik gabe garaitu zuen Ander Zulaika zarauztarra, baina Jon Angulo eta Sergio Trigo bizkaitarren arteko partida izan zen bietan gogorrena.

Partida berdinketarekin amaitu zen, eta desberdinketa partida jokatu zuten bi jokalariek 10 minutuko partida bat jokaldi bakoitzagatik 5 segundo jasoaz jokatuz. Partida hau ere berdinketan bukatu zen eta azken partida bat jokatu zuten. Zozketaz erabaki zen Jon Angulok pieza zuriak eta 6 minutu edukiko zituela partidarako eta Sergio Trigok beltzak eta 5 minutu, berdinketa gertatuz gero Sergio sailkatuko litzateke finalera. Partida interesgarria jokatu zuten bi bizkaitarrek, eta azkenean Sergio Trigo gailendu zen, finalerako txartela lortuz.

Final handian, Sergio Trigo eta Iñigo Martinen arteko partida, goizeko partida luzeena izan zen eta azkenean lehenengoaren alde geratu zen, txapela Bizkaia aldera eramanez. Hirugarren eta laugarren postuko borrokan, Jon Angulo sopelarra erraz gailendu zitzaion Ander Zulaika Zarauztarrari, hirugarren postua ere Bizkaia aldera eramanez.

Kadeteen mailan berdintasuna izan zen nagusi, azkenengo txandan 4 jokalarik baitzituzten txapelketa irabazteko aukerak. Eta partida interesgarriena lehenengo mahaian Bruno Villanueva bizkaitarrak eta Diego Olmo gipuzkoarrak jokatu zutena izan zen, biek baitzuten txapelketa irabazteko aukera. Azken ordura arte partida interesgarria jokatu zuten bi jokalariek, eta momentu askotan gipuzkoarrak irabaziko zuela zirudien arren, Diegoren azken orduko akats batek bizkaitarraren alde utzi zuen partida eta ondorioz txapela.

Bigarren postuan Iban Retegi oiartzuarra sailkatu zen 4.5 punturekin eta hirugarren Alvaro Diaz bizkaitarra 4 punturekin.

Technorati Profile

Mogel Isasi BHI Gipuzkoako Eskolarteko txapeldun

Argazkian talde txapelduna ikus dezakegu. Ezkerretik eskumara: Edu Olabe, Mikel Baena, Julen Garro eta Aitor Arroitajauregi

Argazkian talde txapelduna ikus dezakegu. Ezkerretik eskumara: Edu Olabe, Mikel Baena, Julen Garro eta Aitor Arroitajauregi

Apirilaren 2an, igandea, jokatu zen Donostiako Gros Xake Taldearen
egoitzan, Gipuzkoako Eskolarteko Taldekako Txapelketa. Bertan Eibarko
Mogel Isasi BHI ikastetxeko taldea izan zen nagusi, goizean zehar jokatu
ziren 3 partidak irabazi ostean.

Julen Garro, Edu Olabe, Aitor Arroitajauregi eta Mikel Baenak osatutako
taldeak, Donostiako Zurriola garaitu zuen 4-0eko emaitzaz lehenengo
txandan. Bigarren txandan Donostiako San Patriciori irabazi zion
1.5-2.5ko emaitzaz eta finalean Donostiako San Ignacio ikastetxekoen
aurretik gelditu zen 3-1 irabazi ostean.

Txapelketa irabazi ostean, maiatzaren bukaeran Tolosan jokatuko diren
Euskadiko Eskolarteko Txapelketan parte hartzeko txartela lortu dute
eibartarrek.

Apirilaren 1ean, Gipuzkoako Bakarkako Eskolarteko Txapelketa jokatu zen
Donostian, bertan Mogel Isasi BHI ikastetxea ordezkatuz, ulen Garro, Edu
Olabe, Aitor Arroitajauregi eta Mikel Baena aritu ziren.

Jokatu ziren 6 partiden ostean, Julen Garro 4. postuan sailkatu zen 4.5
puntu lortuta. Edu Olabe eta Aitor Arroitajauregi 11 eta 12. gelditu
ziren, hurrenez hurren, 10 punturekin eta Mikel Baena 22. 2 punturekin.
Sailkapena ikusita, eta Euskal Xake Federakuntzak esango duenaren zain,
badirudi Julen Garrok Euskadiko Txapelketa jokatzeko txartela lortu duela.

Euskadiko Kadete eta Jubenilen Txapelketak

Eibarren jokatuko diren txapelketen izen emateko epea bukatu da jadanik.

Euskal Xake Federakuntzak antolakuntzaren esku utzi ditu jokalarien izenak eta datozen orduotan egingo dira publiko behin behineko zerrendak eta taldeen osaketa.

FIDE eta FEDA eloen apirileko zerrendak irtetear (edo irtenda FEDAren kasuan) daude, eta horien zain gaude zerrendok argitaratzeko.

Txapelketaren inguruko informazioa, gure webgunean prestatu dugun atal berezi baten ikusi dezakezu