Archivo por meses: marzo 2006

Asteburu eskasa Eibarko taldeentzat

Denboraldiaren hasieran, bi helburu argi genituen. Gorengoen mailan mantentzea zen lehenengo taldearen helburua, eta bigarren mailara igotzea bigarrenarena. Helburu bi hauek ezin izan ditugu bete. Alde horretatik negatiboa izan da denboraldia. Beste alde batetik, ostera, pozik egoteko moduan gaude geneukagun guztia eman baitugu helburu hau lortzeko saiakeran, eta oso ondo pasatu baitugu partidak jokatzen. Pena bat izan da baina ezin gara burumakur gelditu, ezta gutxiagorik ere. Hurrengo urtean gogo gehiagorekin saiatuko gara.

Aste honetan Gorengoen Mailan 1.5 – 2.5 galdu genuen Tolosa-Ibarra talde gogorraren aurka. 3.mailan, bestalde, jardunaldi erabakiorrenean 2.5 – 1.5 gailendu ginen. Gorengoen mailan Emiliok galdu egin zuen. Aurten 1.tableroan egoteak dakarren galerak pairatu ditu eta ezin izan ditu puntu askorik atera, baina gogor lan egin du eta ezin da ukatu meritu izugarria duela, aurkari oso gogorrak tokatu baizaizkio. Aste honetan bere “instinto basikoak” failatu egin zion, eta peoi bat galdu ondoren ezin izan zuen ezer egin partidari buelta emateko.

Bigarren tableroan, bestalde, Jon Aranak berdinketa eskuratu zuen. Irekigunean peoi baten abantaila lortu ostean, ezin izan zuen abantaila hori aurrera eraman eta denbora luzean gogor saiatu ondoren berdinketarekin konformatu behar izan zuen.

Manolo, berriz, egoera berdintsuan egon zen. Peoi baten abantailarekin, aukera asko ikusten nizkion nik. Bere aurkariak, ordea, atake bortitz bat bideratu zuen, sakrifizio eta guzti, eta azkenean irabazi egin zuen.

Azkenik, nire partida bitxi samarra izan zen. Lehenik eta behin, nire aurkariaren lehenengo jokaldia g4 izan zen. Sekulako sustoa eraman nuen. Geroago, kalitatea eskuratu nuen, eta pieza ugari aldatu ondoren ni gaztelua eta h-ko peoiarekin geratu nintzen, eta bera zaldiarekin. Asko kosta zitzaidan irabaztea.

Hirugarren mailan, Diegok India de Rey batekin txikitu zuen arerioa. Beste hainbeste egin zuen Eduk, Irekigune Italiar batean. Mikelek berdindu egin zuen guztiz galduta zeukan posizioa (bestetan alderantziz gertatzen zen), eta Julenek galdu egin zuen xake mate bat ez ikusteagatik.

Datorren astean Eduk, Julenek, Mikelek eta Aitorrek zita bikoitza dute Donostian, Gipuzkoako Txapelketak hain zuzen ere. Larunbatean indibiduala, eta Igandean taldekakoa.

Zorte ona opa diet laurei.

Campeonatos de Euskadi Cadete y Juvenil

Una vista del Campeonato del año 2005, disputado también en la Universidad Laboral de Eibar

Una vista del Campeonato del año 2005, disputado también en la Universidad Laboral de Eibar

La Federacion Vasca de Ajedrez ha comunicado que los Campeonatos de Euskadi de Ajedrez de categorías Cadete (Sub-16) y Juvenil (Sub-18) se celebrarán en Eibar, en la Universidad Laboral más concretamente.

El Campeonato Sub-18 se jugará del 18 al 22 de abril, y participarán en él 12 jugadores en representación de Gipuzkoa, Bizkaia, Araba y Nafarroa, divididos en dos grupos de 6 jugadores.

El Campeonato Sub-16 se jugará por Sistema Suizo a 6 rondas, entre el 19 y el 22 de abril, y en él participarán los jóvenes jugadores del club Haritz Garro y Diego Olmo, 2º y 3º clasificado, respectivamente, del Campeonato de Gipuzkoa de la categoría.

Egoera zaila bi taldeentzat asteburuko emaitzen ostean

Haritz Garro izan zen berriz ere, Gorengoen mailan puntuak lortu zituen
bakarra, Angel Fernandez beasaindarrarekin berdindu ostean. Eibartarrek
3.5-0.5ko emaitza ekarri zuten etxera, Emilio Freire, Jon Arana eta
Manuel Lopezek galdu eta esan bezala, Haritz Garrok berdindu ostean.

Sailkapenean azkenengo postuan daude, 14 punturekin eta txanda baten
faltan. Kontuan izanda 4 talde jeisten direla 1go mailara, ziurra da
Gorengoen mailari eustea ezinezkoa dela. Horrenbestez datorren urtean
1go mailan jokatu bhearko dute.

Datorren astean Tolosa-Ibarra taldea hartuko dute etxean.

Hirugarren mailako taldeak ere galdu egin zuen bere partida Errenteriako
Fomento Beraun D taldearen aurka 1.5-2.5ko emaitzaz. Nahiz eta hasiera
baten partidak eibartarren alde irtengo zirela zirudien, azkenean Julen
Garrok galdu egin zuen eta gainontzekoaek (Diego Olmo, Aitor
Arroitajauregi eta Edu Olabek) berdindu. Hala ere eibartarrek 2. mailara
igotzeko aukera badute oraindik, sailkapenean 5. postuan baitaude 12
punturekin.

Datorren astean Easo D taldearen aurka jokatuko dute Donostian.

Bi taldeek galdu zuten asteburuan

Deportiboko Xake taldeek galdu egin zituzten larunbatean jokatutako
partidak. Gorengoen mailako taldeak 0.5-3.5ko emaitzarekin galdu zuen
Idiazabal A taldearen aurka eta zaildu egin du, bi txandaren faltan,
Gorengoen mailari eustea. Sailkapenean azken postuan dira eibartarrak bi
txandaren faltan, eta zaila izango da mailari eustea. Larunbatean,
Emilio Freire, Jon Arana, Manolo Lopez eta Haritz Garrok jokatu zuten,
eta Haritzen bakarrik lortu zuen partida berdintzea. Datorren asteburuan
Beasainen dute partida, Alfil A taldearen aurka.

Hirugarren mailako taldeak ere estropozu egin du bigarren mailarako
bidean, La Salle C taldearen aurka 0.5-3.5 galdu ostean. Igoera faseko
taldeko liderrak talde indartsua aurkeztu zuen Eibarren, eta Julen Garro
izan zen berdintzen bakarra, Diego Olmo, Aitor Arroitajauregi eta Mikel
Baenak galdu egin zuten. Hala ere, eta beste taldeen emaitzak kontuan
izanik, sailkapenean hirugarren daude (igoera postuan), Atletiko Zaleak
bergararrengandik puntu erdira. Datorren astean Easo D taldeari egingo
diote bisita Donostian.

Bestalde, Euskal Xake Federakuntzak, Euskadiko Jubenil eta Kadeteen
txapelketak Eibarren jokatuko direla konfirmatu du. Txapelketok
Unibertsitate Laboralean jokatuko dira apirilaren 18tik 22ra. Kadeteen
txapelketan Deporreko bi xakelarik hartuko dute parte, Haritz Garro eta
Diego Olmok.