GIPUZKOAKO TXAPELKETAKO PARTIDUAK

Ostegunean, hilaren 20an, Mendaroko frontoian, Paleta Goma binakako Gipuzkoako Txapelketako partiduak jokatuko dira: 20:00etan hasita, Eibar 1eko Unda eta Apariciok osatutako bikotea Orioko palista bikotearen aurka izango dira eta ondoren , Ginea eta Lombraña armaginek Zumarragako Garcia ALbeniz eta Viana bikotea hartuko dute aurkari.

Hilaren 21ean, ostirala, Gipuzkoako Txapelketako bigarren jardunaldiko banakako partidak jokatzen dira, infantil mailan: 18:00etan Zestoan, Izaguirre bertako pilotariak, Aratz Amillategi eibartarra izango du aurkari. Zaldibian 18:30ean Liher Gil eibartarrak bisitari gisa jokatuko du Aristi zaldibitarraren aurka. Eta Zumarragan, Xuban Varona armagileak izango du aurkari Garmendia.

Ostiralean baita, hilak 21, Mendaron, ohi bezala, asteroko jaialdia, 19:15ean hasiko da Gipuzkoako Txapelketako bakarkako azken partidarekin, Eibarko EKD Pilota ordezkatzen duen Aleix Del Rey gerriko gorriarekin Azpeitiko Beristain pilotariaren aurka.
Jarraian, Gipuzkoako Txapelketako seigarren jardunaldiko binakako partidak izango dira: Patxi Basaras eta Ekain Araolaza armagileak kadete mailan Zestoako bikotearen aurka. Jarraian,jubenil mailako binakako partida izango da non Ibon Ibarra eta Mikel Caramanzana eibartarrak Lazkaoko bikotea izango duten aurrez aurre eta jaialdiari amaiera emateko, senior mailan, Narvaiza eta Aguirresarobe bikote armaginak, Beasaingo Murumendi bikotearan kontra jokatuko dute.

Soraluzen ere, ostiralean, hilak 21, kadete mailan, eskuz binakako partida jokatzen da Oñatz Urkiaga eta Manex Gisasola bikote eibartarren eta Lazkaoko bikotearen artean.

Animo denei!!

GIPUZKOAKO TXAPELKETAN MURGILDUTA DAUDE EKD PILOTA TALDEKO PILOTARIAK

Giouzkoako Binakako Txapelketan murgilduta gaude, bostgarren jardunaldian hain zuzen ere. Aldi berean, Gipuzkoako Eskuz Banakako Txapelketako lehen jardunaldiarekin ere hasten gara eta hauek dira asteburuan Eibarko Klub Deportiboko EKD Pilota taldeko pilotariek jokatuko dituzten partidak:

Ostiralean, hilak 14, 18:30ean binakako partida Oñatiko Zubikoa frontoian bertako Aloña mendi bikotearen aurka arituko dira Oñatz Urkiaga eta Manex Gisasola eibartarrak.
Ostiralean 19:00etan, eskuz banakako lelengo jardunaldiko partidan, Aleix Del Rey EKD Pilota taldeko ordezkariak Gaztelupe klubeko Aranburu izango du aurkari Zaldibiako pilotalekuan.
Ostiralean Bergaran, udal pilotalekuan, 19:15ean hasita, gure ordezkarien bi partida: jubenil mailakoen partida, non Ibon Ibarra eta Mikel Caramanzana eibartar ordezkariak Bergarako bikotea izango dute aurkari. Jarraian, senior mailako eskuz binakako partidan, Iker Narvaiza eta Ander Agirresarobe eibartarrek, Bergarako bikotea izango dute aurrez aurre.
Eta baita ostiralean, 20:00etan, Aiako pilotalekuan, senior mailako binakako gomazko paleta partida, Zarautz eta Eibarko Aparicio eta Unda bikoteen artekoa.

Bestalde, ostiralean, hilak 14, ohi bezala, etxean jokatzea dagozkigun asteroko partidak, Mendaroko udal pilotalekuan jokatuko dira, 19:15ean hasita:
lehen partidan, eskuz banakakoa infantil mailan, Aratz Amillategi eibartarrak Goierriko Mendizabali aurre egin dio; jarraian, Liher Gil EKD PIlotako infantilak Bergarako Fernandez pilotariaren aurka jokatuko du; hirugarren partida, eskuz banakakoa, infantil mailan, Varona eibartara Azpeitiko Ilunpe klubeko Larramendiren aurka;
jaialdiko laugarren partidan, Ekhi Azpilikueta eta Ugaitz Segurola armagileek Aretxabaletako Errasti eta Otazu bikotearen aurka neurtuko dituzte indarrak; eta jaialdiari amaiera emateko, Mendaron, binakako gomazko paletako partida, Eibar eta Bergara 1en artean.

Asteburuko jardunaldiari amaiera emateko, igandean, 11:30ean, senior kategoriako bikoteen eskutik, Zumarragako Beloki frontoian, Viana anaiek osatutako bikotea Mikel Azkargorta eta Felix Condek osatutako bikote eibartarraren aurka jokatuko du.

PILOTA ESKOLAN MATRIKULATZEKO EPEA ZABALIK

2022-2023 ikasturtean Pilota Eskolan apuntatzeko matrikula epea zabalik dago.

LH2. mailatik aurrerakoek izena eman dezakete datorren ikasturtean pilota eskolan aritzeko. Bidali eskaera pilotaeskola@deporeibar.com helbidera eta matrikularen inprimakia bidaliko dizuegu betetzeko, datorren kustsorako informazio guztiarekin batera.

Entrenamendu egunak astearte eta ostegunetan 5etatik 7etara taldeka sailkatuta adinaren arabera.

Animatu!!

Azkargorta Gipuzkoako mendebaldeko txapeldun; Camina, berriz, txapeldunorde bere kategorian

Jardunaldi ikaragarria egin du Mikel Azkargortak, eta ikasturtea bukatzeko beste txapel bat ekarri du Klubera: Gipuzkoako mendebaldeko 1. mailako kadeteen txapela. San Juan bezperatan eta partido gogorraren ostean jantzi zuen txapela.

Mikel Caminak, berriz, kadeteen bigarren mailako txapelduorde gelditu da, honek ere jardun bikaina egin ondoren eta final estu-estuaren ondoren.

Zorionak, Mikel eta Mikel!

Mikel Azkargorta, zutik, 2. ezkerretik hasita, Gipuzkoako mendebaldeko 1. mailako kadeteetan txapeldun.

AZKARGORTAK ETA CAMINAK, TXAPELA EIBARRERA

Camina eta Azkargorta, 2019ko Udaberriko Txapelketa.

Udaberriko Txapelketa irabazi berri dute Eibarko Klub Deportiboko bi pilotari kadeteek. Bikain jokatzen ari dira ikasturte osoan zehar, eta lanak fruituak ematen ditu azkenean.
Andoaingo Gazteleku klubeko Beloki eta Lanzetaren aritu ziren, eta 06-22 irabazi partida. Zorionak Azkargorta eta Camina! Bejondeizuela!

XISTERA ARTEAN, MUTRIKUN

Domeka ederra pasatu dugu Pilota Batzordekook. Laurogeita hamar lagunek Mutrikura egin dugu irteera, Denok Bat klubekoekin elkartzeko. Zesta puntari buruzko hainbat kontu ikasi ditugu, probatu eta ikusi.

Goizeko 11:00etan autobusa hartu eta 12:00etarako Mutrikuko frontoian ginen. Han ziren Juanjo Urkiri eta Andoni Agirregomezkorta gure zain, xisterak prest. Ia bi orduko ikastaroa egin dugu haiekin. Txikienak, nagusitxoagoak eta gurasoak azkenik –azken horietako hainbatek gozatu egin dute xistera eskuartean–.

 

Bizi-bizia da zesta-puntaren modalitatea. Jarrera oso bereziak erabiltzen dituzte; gerri-joko arinak; eta beso eta sorbaldako kolpe gogorrak. Pilotak hartzen duen abiadura ez da broma, eta horren lekuko da xisterak egiten duen soinua pilota hartu eta berriro botatzean. Pilotaren boteak ere soinu berezia egiten du, gogorra eta lehorra.

 

Goiz ederra pasatu dugu, eta gosea eginda hurbildu gara Olatzera, bazkaltzeko prest. Parajea ezagutzen ez duenarentzat, esan behar da leku ederra dela, bailara artean ezkutatuta dagoena, berdea, oso gurea. Zelaieta jatetxean bildu gara denok, eta ederto jan ondoren, buelta Mutrikuko frontoira.

Denok Bat taldekoek, bina partiduko bi erakustaldi prestatu dituzte guretzat. Manex Sasian eta Unax Urkiri, Erlantz eta Eñaut Urreistiren kontra lehendabizi. Ekaitz Mendizabal eta Jon Iparragirre, Mikel Manzisidor eta Zuhaitz Arrillagaren kontra ondoren. Ikusgarriak norgehiagoka guztiak. Eskerrik asko, mutilak!

Neskak falta ziren oraingoan, baina badira bai Xisteran aritzen direnak, hamaikatxo. Juanjo Urkiri eta Andoni Agirregomezkortaren esanetan, horretaz jabetzeko aukera paregabea egongo da abenduaren 15ean, Mutrikun bertan jokatuko baita Euskal Herriko zesta-punta txapelketa, eta bertan izango dira Euskal Herriko jokalaririk onenak, neskak zein mutilak. Beraz, gustuko duenak badu plana abenduaren 15erako.

Partidak ikusi eta autobusez buelta egin dugu Eibarrera.

Eskerrak eman nahi dizkiogu Mutrikuko herriari eta batez ere Denok Bat klubeko kide guztiei, entrenatzaile zein laguntzaile –makinatxo bat egon baitira han inguruan–, eskainitako arreta, goxotasun ta lan guztiagatik. Mila-mila esker!

 

Barixakuan, federatuen partidak Astelenan

Gipuzkoako eskuz binakako txapelketa hasiko da ostiral honetan. Astelenan izango da lehenengo partida.

Nagusien mailan: Narbaiza eta Agirresarobe arituko dira Legazpiko pilotarien aurka.

Kadeteen mailan: Camina eta Azkargorta Billabonako Behar Zana-koen aurka.

Partidak 19:00etan hasiko dira eta sarrera debalde da. Animatu eta etorri Klubeko lagunak animatzera!