Aurtengo San Juan torneoko finalak badu kartela. Etorri Astelena frontoira ekainaren 22an, goizeko 10:30etik aurrera, eta gozatu gurekin batera pilotaz!
EKAINAREN 22AN, XXV. SAN JUAN TORNEOKO FINALA
Utzi erantzuna
Kategoriaren artxiboa: TXAPELKETAK
DEBAKO ESKOLARTEKO TXAPELKETAN ERE, TXAPELA EIBARTARRENTZAT
I. Debako eskolarteko txapelketa jokatu da aurten. Bertan aritu dira Eibarko pilota-eskolako zenbait pilotari eta txapelarekin bueltatu dira gainera. Batetik, Ugaitz Segurolaren, Iker Ortegaren eta Eneko Ortegaren taldea izan da txapeldun, eta, bestetik, Ekhi Azpilikuetaren, Aratz Ibarraren eta Xuban Varonaren taldea txapeldunorde. Benjaminetak biak ala biak. Zorionak, danori!
Ugaitz Segurola, Iker Ortega eta Eneko Ortega
Xuban Varona, Ekhi Azpilikueta eta Aratz Ibarra.
MIKEL AZKARGORTA BIGARREN GIPUZKOAKO FINALEAN
Ekainaren 15ean jokatu ziren Gipuzkoako txapelketaren eskuz banakako lehendabiziko finalak. Bertan MIKEL AZKARGORTA eibartarra, txapeldunorde gelditu da, kadeteen 2. mailan (10-22), eskuz banakako lau t’erdian. Urtean zehar egindako lanaren fruitua. Zorionak, Mikel!!!
San Juan txapelketa, giro onean
Partida politak, joko ona, ilusio handia eta giro ona. Osagai guztiak izan zituen ekainaren 17an, Astelenan jokatutako San Juan txapelketak.
Eskerrak eman nahi dizkiogu Eibarko Udalari eta Udal Kirol patronatuari batetik, txapelketa antolatzeko eskainitako laguntzagatik; eta Aspe pilota-enpresari bestetik, oraingoan ere Pilota Eskolari emandako babes eta laguntzagatik. Baina batez ere, pilotari guztiak animatzera bertaratu zineten lagun, senide eta pilotazale guztieri.
Hona hemen txapelketako emaitzak:
- Larrarte-Lazpita 16 / Varona-Barrenetxea 12
- Araolaza-Alonso 16 / Sarraga-Lasa 3
- Pacheco-Arrieta 12 / Lopez-Ibarra 18
- Camina-Sanchez 18 / Azkargorta-Fuentes 16
- Narbaiza 22 – Gaztañaga 9
- Agirresarobe-Samaniego 17 / Briongos-Zabaleta 22
Ondo pasa San Juanak!
Amañako txapelketaren azken txanpa, larunbatean
Argazkia: A. Lasa
Larunbatean, maiatzaren 27an, 12:00etatik aurrera, Amañako txapelketako azken partidak jokatuko dira: finalak. Iragan hiru zapatuetan pilotan jokatu eta ondo pasatzeko aukera izan dute eskolako txikienek, eta baita bertara hurbildu diren gurasoek ere. Datorren zapatuan, berriz, finaleko partidak jokatuko dituzten pilotariak eta ez dituztenak jokatu ere frontoian elkartuko dira; goizaz gozatu eta talde-argazkia ateratzeko aukera egongo da gainera (ez ezazue ahaztu taldeko kamiseta).
Dena dela, maiatza bete-betea izaten da beti, eta ez ahaztu, partiden ostean, (edo aurretik) Klub Deportiboak antolatutako artisau-azoka ikustera joaterik.
Esan gainera “Amana es la caña” elkartearekin (Amaña auzoko denda txikia sustatzeko elkartea) batera antolatutako txapelketa izan dela, eta haiek prestatutako txorizo-ogitartekoak jan zituztela pilotariek. Eskerrik asko haiei, eskainitako laguntzagatik.
Eneko Fuentes txapeldun, Gipuzkoako eskolarteko eskuz binakakoan
Eneko Fuentes Klub Deportiboko pilotaria izan da aurtengo Gipuzkoako eskola arteko txapelduna, Zubizarreta bikotearekin batera (kadete mailan). Pilotari gogotsua eta langilea da Eneko, eta ondo merezita du txapela. Zorionak, Eneko!
Eneko Fuentes Eibarko Klub Deportiboko pilotaria (eskuman), finaleko garaikurra eskuan duela.
2017ko Gipuzkoako eskuz binakako finalean partea hartu duten pilotari gazteak.