PIlota Eskolak zabaldu ditu aurtengo kurtsoko ateak eta atzo bertan hasi ziran gastetxoenak entrenatzen. 

Aurtengo kurtsoan gainera 17 matrikula berri jaso ditugu eta pozaren pozez gaude PIlota Eskolako arduradunok. Prebenjamin eta benjaminetan izan dira matrikula berri gehienak baina alebin berriren bat ere hasi da.

Eta denboraldi berriarekin, konpetizioak ere martxan jarri dira eta ostiral hontan bertan Gipuzkoako Txapelketako lehenengo jardunaldiko partiduak egongo dira ikusgai zaletuentzat Astelena frontoian.

Ostirala, irailak 15, arratsaldeko 19:00etan hasita, Gipuzkoako Eskuz Binakako Txapelketako partiduak: lendabizi jubenilena, Ibarra eta Caramanzana eibartar ordezkariak Oiartzungo Oiarpe 1 bikotearen aurka arituko dira eta ondoren, nagusien mailan, Eibarko Narvaiza eta Aguirresarobek Bergarako bikotea izango dute aurrez aurre.

Bukatzeko, Gipuzkoako Paleta Goma Binakako Txapelketako  partidua, Guinea eta Soria eibartarrak, Atxurbide 2 Idiazabaldarren aurka arituko dira.

Etxetik kanpo, Urkiaga eta Segurola kadete bikoteak Andoainen jokatuko dute eta Varona eta Azpilikueta kadete bikotea berriz Oiartzunen izango da, denek ere Gipuzkoako eskuz binakako Txapelketan buru belarri sartuta.

Animo denei eta GORA PILOTA!!

Iritsi dira San Juanak ete eta denboraldiari amaiaiera emateko XXIX. San Juan torneoko finalak jokatuko dira zapatu hontan ekainak 17 Astelena frontoian 10:00etan hasita.

Kategoria ezberdinetako binakako partiduak ikusi ahal izango ditugu eta 4 t´erdiko buruz buruko bat. Giro paregabea egongo da eta sari banaketaren ondoren, Eibarko Pilota Eskolaren eskutik, luntxa eskeiniko zaio gerturatzen den ikuslegoari.

Honakoa aurtengo kartela:

Eibarko klub deportiboko pilota taldeko hiru bikote daude Amaña es la Caña txapelketako finalerdietan: Nesketan Saioa Oñederra eta June Agirrebeitia eta infantilen bi bikoteak, Liher Gilek eta Aratz Amillategik batetik,eta Xuban Varona eta Aleix del Rey bestetik.
Hiru bikote hauek ekainaren 3an jokatuko dituzte finalaurrekoak Astelena frontoian goizeko 10etan hasita.
Bestalde, pilota eskolako txikienek San Juan Torneoko ligaxkako partidekin jarraitzen dute eta ostiraleko jaialdian , ekainak 2an, Astelena frontoian arratsaldeko 18:00etan hasita honako partidu hauek ikusi ahal izango ditugu : Markel Segurola eta Patxi Flores vs Manex Arrieta eta Gari Olaetxea; ondoren, Koikilli Lizarralde eta Luka Conde vs Markel Urain eta Oier Abanzabalegi, hirugarren partidan Beñat Oñederra eta Iñigo Uria vs Julen Uranga eta Iker Lazkano eta azkenik Kepa Sarasketa eta Jon Cortina vs Ekain Olaetxea eta Sugar Hernandez.
Federatu kategoriari dagokionez, Eibarko Ekhi Azpilikueta kadeteak final-zortzirenetako partida jokatuko du Andoaingo Arrate frontoian ekainaren 4an, igandea, eguerdiko 12:30ean, Gazteleku klubeko Gaztañagaren aurka.

Pilota Eskolako gaztetxoak topera dabiltza kurtsoko azken txanpan: alde batetik Amañako Txapelketan parte hartzen dihardute eta pasa den larunbatean Altzubarren frontoian egin zen goizeko jaialdian jokatu ostean,  Enaitz Arriola eta Markel Segurola hurrengo faserako sailkatu ziren, maiatzak 27an jokatzeko.

Beste alde batetik, San Juan torneoko liguillan ere buru belarri sartuko dira pilota eskolako gazteak aste honetan.

San Juan torneoko txapelketa, kutso bukaerako azken jaialdia izaten da pilota eskolako neska mutikoentzat eta berezia da beraientat, ikasturteari amaiera ematen dion jaialdia ospatzen dugulako. Aurten ekaniak 17an  jokatuko dira kategoria guztietako finalak Astelena frontoian eta pilotariak finaletara bidean, liguillako partiduak jokatuko dituzte ostiral hontan, arratsaldeko 17:30etatik aurrera izango den jaialdian:

Lendabiziko partiduan, Enaitz Arriola eta Manex Kerejetak, Luka Conde eta Koikilli Lizarralde hartuko dituzte aurrez aurre. Bigarren partiduan, Ekain Olaetxea eta Sugar Hernandez, Beñat Oñederra eta Iñigo Uriaren aurka arituko dira. eta hirugarren partidan, Kepa Telleria eta Jon Cortina alde batetik eta Julen Uranga eta Iker Lazkano bestetik neurtuko dira.

Jaialdia bukatzeko, 19:30etan DEBARROKO Txapelketako binakako partidu bat izango da ikusgai, Conde eta Aguirresarobe eibartar bikoteak Mendizabal eta Balerdi hartuko dituzte aurre aurre.

Joan den asteburuan 4 1/2 banakako Gipuzkoako txapelketako lehen jardunaldian, emaitzak hauek izan ziren: Astelenan, Azkargortak 21-22 galdu zuen Bergarako Etxezarragaren aurka, eibartarra hotz samar hasi zen partidan eta markagailuan atzetik egon zen distantzia dezentekin, baina 21era berdintzea lortu zuen eta zorteak azken tantoa aurkariaren alde erortzea nahi izan zuen. Kadeteetan, Azpilikuetak 22-8 irabazi zion Oñatiko Lizarralderi, oso pelotakada gutxiko partidan, ze armaginaren tanto gehienak sakez egindakoak izan ziren. Udaberri eskuz binakako Txapelketako lehen jardunaldian, errendmenduan, Varona eta Del Rey infantilek partidako bi puntuak eraman zituzten 18-0eko emaitzarekin amezketarraren ez agertzeagatik.
Etxetik kanpo jokatutako partidei dagokienez, Azkoitian Iraolagoitiak 22-10 galdu zuen bertako Aldazabalen aurka; infantiletan, Amillategi eta Gil eibartarrek 18-7 galdu behar izan zuten tolosarren aurka Beotibarren; Zestoan, Conde armagileak 10-22 irabazi zion Odriozolari eta Zumaian Aguirresarobe eibartarrak ere irabazi zuen, 8-22 Alkantararen aurka.

Udaberri eskuz binakako txapelketako bigarren jardunaldirako, ostiral honetan, hilak 28, Astelena pilotalekuan, 18:30ean hasita, lehenengo partidan, Eibarko Amillategi eta Gil infantilek Oiartzungo bikotearen aurka jokatuko dute. Jarraian,  4 eta erdiko eskuz banakako txapelketako bigarren jardunaldiko partidak jokatuko dira,  eta senior mailan hasita, EKDko Aguirresarobek  Oñatiko Perez izango du aurkari. Jarraian, senior mailan, Conde eibatarrak Aranbarri azkoitiarra izango du aurkari. Eta jaialdiari amaiera emateko, 4 1/2an barruan baita, jubenilen partida, non Soraluzeko klubeko kamisetarekin Ibon Ibarrak Erauskin lazkaotarraren aurka jokatuko duen.
Etxetik kanpo Varona eta Del Rey eibartarrak, errendimendu mailan, Lazkaon jokatuko dute; Azkargortak Orioko Aranbururekin neurtuko ditu indarrak senior mailan eta Azpilikueta kadeteak larunbatean 9:30ean jokatuko du Azpeitian Frontoi Txikin, 4 eta erdiko txapelketakoa Bastidaren aurka.

Eibarko Paleta Gomako  txapelketak ere martxan jarraitzen du azken faseko partidekin eta ostegunean 19:00etan hasita  Iosu eta Guineak osatutako bikoteak  Soria eta Lombrañaren aurkako norgehiagoka jokatuko dute, eta ondoren Azpilikueta III.a-Unda bikotea Sarobe eta Betonek osatutako bikotearen kontra. Eta apirilaren 29an, larunbata, 10:30ean hasita, Tota eta Yurgui bikoteak Mendibe eta Conde bikotea izango dituzte aurkari eta ondoren Zabala eta Txirloi alde batetik eta  Iker eta Tito bestetik izango dira aurrez aurre.

Aste honetan ere interesgarria dator ostiraleko ohiko pilota jaialdia.
Datorren ostiralean, martxoak 31, 19:00etan hasita, Astelena frontoian, errendimenduko infantilen Gipuzkoako Binakako Txapelketako finala jokatuko da. Aramburu eta Bordagarai getariarrek osatutako bikoteak Izagirre eta Mayo zestoarrak izango ditu aurkari finalean.

Eta ondoren, jubenil mailako Gipuzkoa Mendebaldeko Udaberri txapelketako finalean, Ibarra eta Iraolagoitia eibartarrak txapela irabazten saiatuko dira Larrañaga eta Odriozola Azpeitiarren aurka. Armagileek oso txapelketa ona egin dute eta merezita lortu zuten finalerako pasea, pasa den ostiralean Astelenaren harmailak bete zituen eta jaialdi bizi eta zirraragarrian.

Bestalde, ostegunean, martxoaren 30ean, Eibarko II. Paleta Goma Txapelketaren sailkapen ligaxkako azken partida jokatuko da 21:00etan, non Etor eta Aguirrebeñak osaturiko bikoteak Iosu eta Guinea izango dituzte aurkari.
Gomazko pala txapelketako azken astean izandako emaitzei dagokienez, Ibarbia eta Urainek osatutako bikoteak erraz irabazi zuen 25-5 Amas eta Gisaren aurka; Askoz estuagoa izan zen Mendibe eta Condek jokatutakoa Soria eta Lombrañaren aurka eta 25-24 estu batekin amaitu zen lendabizikoen alde; Díez anaiek 11-25 galdu zuten Juanma eta Zeniren aurka; 25-11 amore eman behar izan zuten Urkiak eta Bartolok Apraiz eta Kortaren aurka; Totak eta Yurguik 25-18 irabazi zieten Azeri eta Ubillari eta azkenean Iker eta Titok 25-22 irabazi zieten Argoitz eta Trontxori.
Herrikoak ez diren A multzoko bikoteen azken partidaren faltan, lehen faseko ligako sailkapena honakoa da: A multzoan, herrikoian, Ivan Becana eta Jose Sastre multzoko lehenak; herrikoia B multzoan lehen postuan Azpilikueta III eta Unda; herrikoian C taldean, Ibarbia eta Urain buru; Herrikoak ez diren Tota eta Yurgui B multzoko lehen postuan eta herrikoiak ez diren C multzoan, Zabala eta Txirloi talde buru daude. Partidu erabakigarria ostegunean herrikoiak ez diren A multzokoentzat.
Aste Santuaren ostean, txapelketako kanporaketa fasea hasiko da.

Giro bikaina pasa den ostiralean Astelena frontoian egon zena.
Eta bai, partiduek ondo merezi izan zuten azken txalo zaparrada.
EKD Pilota taldeko jubenil mailako pilotariak, Ibarra eta Iraolagoitia, partidan nagusi izan ziren hasieratik eta konfiantzaz jokatu zuten. Arerioak, Aldazabal eta Egaña azkoitiarrek, urduriago jokatu zuten eta tanto batzuk oparitu zituzten, sakearekin aprobetxatzen jakin zituztenak etxekoak. Iraolagoitia oso seguru ibili zen atzean eta aurreko koadroetan Ibarrak ez zuen pilotarik barkatu. Partidako azken sakea, Iraolagoitia atzelariaren sakea, arerioak espero ez zuen horma bikoa eta tanto, markagailua 22-9 an utziz.

Ibarra eta Iraolagoitia datorren ostiralean, martxoak 31, Astelenan jokatuko den finalera pasatzen dira.

Nagusien partidan, itzeleko nibela. Azkargortak eta Condek, Martin eta Ibargurenek osatutako legazpiarrari aurre egin zieten. Bi bikoteak oso indartsuak, biak finalean egotea merezi zutenak. Armaginak, Azkargorta oso bizi aurreko koadroetan eta Conde oso seguru atzealdean, 7-1 galtzen hasi baziren ere, 8-7ra joan ziren eta momentu horretatik aurrera, bi bikoteak oso parekatuak ibili ziren. Tanto ikusgarriak ikusi eta gozatu genituen, eibartarrak aurretik egon ziren baina azkenean, azken bultzadan, legazpiarrak gailendu ziren 22-20ko emaitzarekin.
Giro bikaina Astelenan, armailak soratzen, ikaragarri animatu zituzten eibartarrak. Final batek merezi duen moduko partida, eta ikusleek merezitako txalo zaparrada eskeini zieten bukaeran lau pilotariei.
EKD pilota batzordetik, gure esker ona Jon Iraola Eibarko alkateari, jaialdia ikustera bertaratu zen eta Gipuzkoako Binakako Udaberri Txapelketako lau finalistei sariak banatu zizkien.

Eibarko bi bikoteren arteko Udabarri Gipuzkoa txapelketako finalaurrekoa, partida oso borrokatua izan zen, oso kalitate onekoa, Narvaiza eta Aguirresarobe 9-1 irabazten hasi ziren arren, Azkargortak buruan jaso zuen  zorigaiztoko  pilotakada baten ostean, partiduak guztiz aldatu zuen kolorea eta partidua parekatua joan bazen ere, azken bultzada batean Azkargorta eta Conde 22-19 nagusitu ziren. Publikoak ederki gozatu zuen partidarekin eta lau pilotariei txalo zaparrada eskeini zieten partida amaieran.

Datorren ostiralean, martxoak 24, asteroko jaialdiak maila ikaragarria dakar: 19:00etan Astelena pilotalekuan Udaberri Gipuzkoako Mendebaldeko txapelketako finalaurrekoa jokatuko da  Ibarrak eta Caramanzanak osatutako EKD pilotako jubenil bikotea eta Aldazabal eta Egaña azkoitiarrak aurrez aurre izango dituena; eta ondoren Udaberri Gipuzkoako txapelketako final handian senior mailako  EKDko Azkargorta eta Conde eibartarrek eta Martin eta Ibargurenek osatutako legazpiar bikotearen artean izango da lehia.
Finala zoragarria iragartzen da eta pilota zale asko  erakartzea espero den jaialdia.