EKD taldeko pilotariek asteburu honetan ekingo diote Gipuzkoako banakako txapelketari, eta, aldi berean, binakako txapelketako azken jardunaldiarekin bat egiten du eta, beraz, lan bikoitza egin beharko dute batzuek.

Ostegunian hasita, hilak 16, : Amillategi eibartarrak Lazkaon jokatuko du eta Segurola eta del Rey kadeteak Mundarroko bikotearen aurka neurtuko dira Astigarragan 20:00etan.

Hilaren 17an, ostirala: Eibarko Astelenan 18:30ean hasita, Ibarrak Hernaniko Legarreta izango du aurkari; Jarraian, senior mailan, Azkargorta eta Condek Hernaniko bikotea izango dute aurkari; Ondoren, Lazkaoko Soberonen aurka arituko da Olaetxea armagilea; laugarren partidan, Kadete mailako Urkiaga eibartarrak Getariako Aiestaranen aurka jokatuko du eta jaialdia katedralean amaitzeko, Aguirresarobek Goiburu lazkaotarra izango du aurkari.

Hilaren 17an ere ostirala, etxetik kanpo, Caramanzanak Zestoako Alonso izango du aurkari eta Amuategik Unanueren aurka jokatuko du; .
Segurola eta Azpilikueta kadeteek Azkoitian jokatuko dute , Segurolak Alberdiren aurka eta Azpilikuetak Bastidaren aurka .
Lazkaon berriz, Gil armaginak Andonegiren aurka jokatuko du eta senior mailan Condek Etxegarairen aurka jokatuko du.

Larunbatean, hilak 18, 16:00etan hasita, Del Reyk Itziarko frontoian jokatuko du Zestoako Zabalaren aurka.

Eta asteburu bizi honi amaiera emateko, igandean, hilak 19, goizeko 11:00etan, binakako gomazko paleta partida, Soria eta Guinea armaginak Zumaia izango dute aurkari Aitzuri pilotalekuan eta Narvaizak eta Agirresarobek osatutako senior bikoteak jokatu beharko du binakako lelengo faseko azken partida Hernaniren aurka goizeko 11etan han.