Otsailak 11: Herri Txikiak 3: Zubieta – Irakurri – Leitza

• Irteera: Zubieta
• Helmuga: Leitza
• Ibilbide ofiziala:
  • Distantzia: 20 km
  • Goraka metatutako desnibela: 1385 m.
  • BEheraka metatutako desnibela: 1115 m.
  • Deskargatu ibilbidearen arrastoa GPX formatuan
  • Deskargatu ibilbidearen arrasota KML formatuan
  • Deskargatu azalpen orria eta mapa
• Ibilbide alternatiboa: Ezkurra (herria) – Arriurdineta – Irakurri – Leitza
  • Distantzia: 14,7 km
  • Goraka metatutako desnibela: 825 m.
  • Beheraka metatutako desnibela: 860 m.
  • Deskargatu ibilbidearen arrastoa GPX formatuan
  • Deskargatu ibilbidearen arrastoa KML formatuan
  • Oharra: Ibilbide hau Ezkurra herrian hasten da, autobusak lehenengo Zubietan utziko gaitu eta ondoren nahi duena Ezkurran utziko du ibilbide hau egiteko. Ibilbide honek Arriurdineta gailurrean egiten du bat ibilbide ofizialarekin
• Irteera ordua: 7:30 (Ego gain)
• Itzulera ordua: 18:00 (ustezkoa)

[0 km] Zubieta. Errepide bazterrean hasiko dugu ibilbidea, Leitzara doan norantza hartu eta berehala gure eskuman gora doan harrizko galtzada baten gora.

[1 km] Pista baten zehar 100 metro egin ostean hemen pista utzi egingo dugu eta mendi bidean gora egingo dugu. Adi hemendik aurrera gailurreraino aldapa gogorrak izango ditugu.

[2,9 km] Lizartzeta (849 m). Bailara guztirako ikuspegi paregabea dugu bertatik, baita aurreko etapako mendietara ere: Mendaur, Mendieder, Ekaitza, … Hegoalderantz joko dugu, aurrean ikusten dugun mendilerroan zehar.

[4,1 km] Artxinga (846 m.). Bideari jarraituko diogu.

[5,3 km]. Aldapa gogorra igo ostean Lexarburu (916 m.) gailurrean gaude. Hemendik aurrera alanbre hesiaren ondotik jarraituko dugu, berau gurutzatu gabe.

[8,7 km] Soingo Gaina (1037 m.). Antenak. Hemendik Irakurrirako bidea garbi-garbi ikusten da.

[9,2 km] Arriurdineta (1059 m.)

[11,4 km] Irakurri (1142 m.) Orain gure mendebaldera ikusten dugun putzu bateraino joan behar gara, eta handik marka urdin eta zuriei jarraitu Leitza eta Zubieta lotzen dituen errepidera heldu arte.

[13,1 km] Markei jarraitu diezaiekegu edo bestela zelaian zehar zuzen behera egin txabolaraino.

[14,7 km] Errepidetik datorren pista utzi eta eskuman bidezidor bat ikusiko dugu, bertatik jarraituko dugu.

[18,7 km] Pista utzi eta errekara jaisten den bidezidorra hartuko dugu, berehala Leitzarango trenaren tunelean sartuko gara eta bertatik zuzen joango gara Leitzaraino.

[19,7 km] Hirugarren tuneletik irten eta berehala ezkerrean txabola baten ondotik irteten den bideak Leitzako kaleetara eramango gaitu