Pandemia hobera doala dirudien honetan, Mendi Batzordeak ekainerako eta uztailerako aurreikusitako Piriniotarako irteerak egitea erabaki du. Prestatu ditugun irteerak hauexek dira:
- Ekainak 19 eta 20: Anayet eta Garmo Negro (Casa de Piedra aterpetxea)
- Uztailak 10 eta 11: Araneko Itzulia (Artiga de Lin aterpetxea)
Hori dela eta ekainaren 19 eta 20ko irteerarako izenematea irekitzea erabaki dugu, hauexek dira irteeraren xehetasunak:
- Irteera, ekainaren 19an goizaldean.
- Igoko ditugun gailurrak: Anayet (2574 m.) eta Garmo Negro (3064 m.)
- Lo egiteko tokia: Casa de Piedra aterpetxea (Panticosa)
- Derrigorrezkoa da federatuta egotea
Bidaian eta irteeran COVID protokoloa aplikatuko da, hau da: bidaian maskara derrigorrezkoa izango da. Mendian eta aterpetxean Aragoiko gobernuak ezarritako arauak bete beharko dira.
Irteerarako izen-ematea ekainaren 8an irekiko da 19:30tan eta astearte eta ostegunetan 19:30tatik 20:30tara Deporren izango gaituzue izenematea egiteko. Irteerako plazak mugatuta daude. Datozen egunotan argitaratuko ditugu klubaren webgunean irteerako track eta azalpen-orriak.
