Aurten ere martxoan zehar Mendi Jardunaldiak antolatuko ditugu hainbat ekintzarekin. Hona hemen ekintza guztien laburpena
Martxoak 1, igandea: Zuhaitz Eguna
Eibarko Udaleko Ingurumen sailarekin, Debegesarekin eta Eibarko ikastetxeekin batera Zuhaitz Eguna ospatuko dugu. 9:30tan Depor aurrean irtenda Iturburura joango gara eta han zuhaitz landaketa egingo dugu.
Martxoak 4, asteazkena: “Mendirako elikadura, proposamenak makrobiotikatik” tailerra
Aniaiz Ariznabarretaren eskutik mendirako elikadurari buruzko tailer praktikoa antolatuko dugu Deporren 19:00tan hasita. Euskaraz izango da.
Martxoak 7, larunbata: bigarren eskuko mendiko materialaren azoka
Goiz guztian zehar, 10:00etatik 13:30tara hainbat bazkidek eskatutako bigarren eskuko mendiko materialaren salerosketa azoka antolatuko dugu Depor aurreko zeharkalean.
Martxoak 9 eta 10: Mendi Tour
Bilbao Mendi Film jaialdiko hainbat pelikula eta dokumental ikusteko aukera izango da Coliseo Antzokian. Astelehenean “Nebula” eta “Manaslu” eskainiko dira eta asteartean “Treeline” eta “Cholitas”. Emanaldiak 19:00tan izango dira eta sarrerak 5 € balio du egun bakoitzean.
Martxoak 17, asteartea: “Eibartarrak Cervinon” emanaldia
Egoitz Elduayenen eskutik hainbat eibartarrek Cervino mendi ezaguna igotzeko izan duten esperientzien berri emango du euskaraz eta gaztelaniaz prestatutako emanaldian. 19:00tan Portaleako Areto Nagusian.
Martxoak 26, osteguna: Juan Vallejo: “Mis Montañas”
Euskal mendizale eta alpinistaren eskutik hitzaldia izango dugu 19:00tan hasita Armeria Eskolako areto nagusian.
Martxoak 29, igandea: NeguTrail + solasaldia Imanol Alesonekin
Aurtengo negutraila martxoko azken igandean izango dugu eta gonbidatu berezi bat izango dugu gure artean, Imanol Aleson. Ohi bezala izenematea doakoa da eta kalamuakorrikalaritaldea@gmail helbidean egin behar da.
Utzi erantzuna