Irteera Eibarren: 7:45
Partehartzaileak: Fernando, Julián, Iñaxio, Garate, Ávila, Pintado, Julen, Mari Carmen, Roberto, Arrate, Ángel, Antón, Andoni, Eskudero, Josetxo, Moya y Lizarriturri (honek bere ibilbidea egingo du)
Gaur, Eibar hegoaldetik inguratzen duten mendien inguruko ibilaldia egingo dugu, helburu nagusia Egoarbitzara igotzea delarik.
Untzaga plazatik abiatu gara (7:50) hegoalderantz Urki auzora igoz. Hilerria pasatu eta autopista gainetik gurutzatu dugu. Gurutzatu eta berehala eskumara igotzen diren eskailera batzuetatik egin dugu gora (8:00), hauek amaitzean inguruko baserrietara doan pista hartu dugu ezkerretik. Pistak eskumara egin duenean gure ezkerrean dagoen bide bat hartu dugu (8:10) eta 20 metro aurrerago eskumara irteten den bidezidorra hartuko dugu, bertatik Altamira goikoa baserrira helduko garelarik.
Unbetik Azurtzara doan pista gurutzatuko dugu aurrerago (8:25) eta zuzen jarraituko dugu, beste bidegurutze baten ezkerretik joko dugu (8:30), Unbe errekastoa gurutzatuko dugu eta aurrerago ezkerrera egingo dugu (8:50), alertze eta zipres baso baten zehar pasatuko gara inguru garbi batera heldu arte.
Bide zabalean zehar egingo dugu aurrera harri-bide batekin topo egin arte, beherantz egingo dugu bertatik berehala eskuman irteten den bidezidor batetik aurrera egiteko (9:00), berau pagadi baten gainetik doa eta Azurtzatik datorren pistan amaitzen da. Arraotzeko lautadara iristean (9:10), GRaren markak jarraitzeari ekingo diogu Karabietako gainerano (9:40).
Errepidea gurutzatu eta autobus geltokiaren ondoan irteten den bidezidorra hartuko dugu, aurrerago Egotxaga baserrietara doan pista gurutzatuko dugu eta Egoarbitzapean utziko gaituen bide zabala hartuko dugu.
Tontorrera ezkerretik hurbiltzen den bidetik joango gara ondoren gailurrera zuzen egiteko, iparekialdetik. Egoarbitza (10:20) (733m.). Gailurrean Lizarriturrirekin egin dugu topo. Argazkia egin, zerbait jan eta iparekialdetik ekin diogu beherako bideari. Adi harriz jositako pare bat zona daude eta kontuz ibili behar da bertan.
Txabola batera helduko agara eta 100 metroren ostean, ezkerreko bidezidorra hartu eta bertatik egin dugu behera. Eskuman topatuko dugun beste txabola batek balioko digu gure ezkerretik irteten den bigarren pista hartzeko erreferentzia gisa (10:50). Bide zabal batetik egingo dugu aurrera eta bidegurutze batera iristean (11:10) pista gure eskumatik doa beherantz baina guk aurrerantz egin dugu pixka bat igoz, landaredi ugari duen pista zati bat igaro dugu eta lurrezko zabortegi batera iritsiko gara. Bertara iristeko pistatik egingo dugu behera, Ibur industrialdeko lehen eraikinetara iristeko, eta hemendik errepidez Untzaga plazara itzuliko gara (12:10).
Bakoitza bere etxera joan gara dutxa bat hartzera eta bazkalaurreko txikiteoa egiteko. Gaur gure 200. mendia egin dugu eta horregatik Chalcha jatetxean egingo dugu bazkaria, Krabelin taldeko guztiok osatutako kutxarekin ordainduta. 21 lagunetik batek bakarrik egin du huts, Joserrak, gaixo baitago.
