Otsailaren 7an, larunbatez, ospatuko ditugu 2026ko koko-dantzak. Goizean, 9:00etan egingo da lehen agerrialdia Errebalen. Baserrietako koko-eskea Otaola eta Mandiola auzoetan egingo dugu aurten. Arratsaldean Eibarko kaleetan egingo dugun kalejira Eibarko Klub Deportibotik abiatuko da eta erdi-guneko kaleetan ibili ondoren Deportiboan bertan bukatuko da.
Koko-dantzak, otsailak 7, larunbata
- 9:00 Errebalen baserritarren postuetan
- 10:00-14:00 Otaola eta Mandiolako baserrietan. Ipurua, Otaolaerdikoa, Sosola, Sosolabarri, Aritxuluetabarri, Arrajola.
- 18:45 Toribio Etxebarrian, Deportibo aurrean koko-mokoen elkartzea, koko-dantzak eta kantuak, Mauxitxa txarangak lagunduta eta kalejira hasiera. Ibilbidea: Toribio Etxebarria, Zuloagatarren, Fermin Calbeton, Untzaga, Toribio Etxebarria.
- 21:00 Deportibo aurrean azken koko-dantzak eta kantuak.
Ohi bezala, arratsaldeko kalejiran parte hartzea irekia da eta entsegu irekia izango da.
Entsegu irekia
Koko-dantzetako larunbat arratsaldeko (ots. 7, 19:00-21:00) Eibarko kaleetan egingo dugun kalejiran parte hartu nahi duten guztientzat entsegu irekia:
- Otsailak 5, osteguna, 19:30 Errebal plazan.
Utzi erantzuna