Kategorien artxiboak: Emanaldiak

Hogei plazara dantzara?

Datorren ostiralean, azaroak 30, San Andres eguna, eta ohi bezala, Plazara Dantzara erromeria Untzaga plazan, Kezkako dantza eskolako ikasle guztiekin eta Jainaga eta Narbaiza trikitilariekin.

Jainagak aipatu zigun aurrekoan, ea datorren urtean hogei urte ote diren Plazara Dantzararekin hasi ginela. Paperetan begira hasi, eta hor ageri da, 1993an hasi ginela Elgoibarko Haritz, Debako Gure-Kai eta Eibarko Kezkaren artean neguko erromerien zirkuitoa egiten: San Andres Eibarren, Gabon Zahar Elgoibarren, Soro Feria Deban.

2011-11-30_SanAndresak-IZ-IMG_7471

Datorren urtean hogei urte izango dira, 1993tik 2013ra, baina urteurrenekin nola kontatzen den begiratu behar izaten da, eta 1993an lehenengoa egin bagenuen 2012an hogeigarrena egingo dugu, ez? Hogei Plazara Dantzara orduan? Tira…. urte batzuetan, ez euriagatik, ez, erauntsiagatik bertan behera geratu zela kontuan hartuta… Hogei saiakera egin ditugu, baina hogei Plazara Dantzara ez… Eta ezta asko ajola ere. Unean unekoa dantzatu eta horixe gozatu!

Plazara Dantzara erromeria
2012ko azaroak 30, 12:30ean
Eibarko Untzaga plazan

  • Kezka dantza taldea
  • Jainaga eta Narbaiza
  • Dantzara animatzen zareten guztiak

Besta Berri ikuskizunaren estreinaldia Bilboko Arriaga antzokian

Juan Antonio Urbeltzen zuzendaritzapean, Argia dantzari taldeak ikuskizun berria estreinatuko du igandean, abenduaren 2an, Bilbon, Arriaga antzokian. Azken urteotako lankidetzarekin jarraituz, bertan izango dira Kezka dantza taldeko hainbat dantzari ere.

Corpus Christi festaren inguruan osatu du ikuskizun berria Juan Antonio Urbeltz-ek. Iparraldean, Gorpuzti eguneko ospakizunek Besta Berri izenarekin ezagutzen dira, eta gai nagusi horren inguruan hiru pieza koreografiko harilkatu ditu Argia taldeko zuzendariak. Hirugarrena, Muriska izenekoa, 1988. urtean estreinatu zuen Argia dantzari taldeak, eta talde honen ibilbidean mugarria izan da. Zortziko eta Alakiketan ikuskizunetan eskaini zen hainbat urtez Muriska, eta 1994an eskaini zen azken aldiz. Ia hogei urteren buruan, berriz ere eszenaratuko da Zuberoako pastoraletan inspiratutako lan koreografikoa.

Argia, Duguna, Haritz, Maritzuli eta Kezka dantza taldeetako hirurogehi dantzari eta dozena bat musikarik osatzen dute ikuskizunaren gorputza.

2012-11-24_Besta-Berri-ensaioa_OA_1860_r

Besta Berri

Bilbo, Arriaga antzokia
2012ko abenduak 2, igandea, 19:00etan

Dantza Coliseoan: Maritzuli: Ixtorio Mixtorio

Maritzuli: Ixtorio Mixtorio
2012ko azaroak 10, larunbata, 17:00etan

Haur folklorearen mundura bidaia harrigarria da Ixtorio Mixtorio, umeek beraiek protagonizatuta gainera. Umeak, helduen teknika eta birtusiosismo imitazioak egiten saiatu gabe, dantzaren eta musikaren oinarrietara jo eta graziaz eta erritmoz betetako emanaldia osatzen dute. Tradizioaren aurkezpen aberatsa, jantzien edertasuna eta umeen espontaneitatea elkartzen dira Ixtorio Mixtorion.

2012-05-05_Ixtorio-Mixtorio_IZ_IMG_2548-rek

Claude eta Jon Iruretagoienaren zuzendaritzapean, euskal dantza tradizionalaren mundu harrigarrian barrena bidaia hunkigarria planteatzen du Maritzulik ikuskizun honetan. Lapurdiko Maritzuli eta Xinkako dantza taldeak, eta Behobiako Eraiki dantza taldeak osatzen dute Ixtorio Mixtorio ikuskizuna. 1996an estreinatu zen Ixtorio Mixtorio, eta 16 urte ondoren, bere garaian arrakasta handia izan zuen ikuskizuna berrituta aurkeztu du Maritzulik.

2012-05-05_Ixtorio-Mixtorio_IZ_IMG_2665
2012-05-05_Ixtorio-Mixtorio_IZ_IMG_2534

Umeekin dantza tradizionala lantzeko eredu berri bat plazaratu zuen Claude Iruretagoienak Ixtorio Mixtorio ikuskizuna. Lau urrats eta kitto! deitzen diote lan egiteko eredu horri, eta funtsean oinarrietara jotzeko deia da. Lau urratsekin euskal tradizio koreografikoaren zati eder bat dantzatu eta gozatu baitezakete umeek. Urrats horiek ikasiz eta bakoitzarekin egin daitezkeen dantzak jorratuz eta euskal folklorearen aberastasuna landuz osatutako ikuskizuna da Ixtorio Mixtorio.

2012-05-05_Ixtorio-Mixtorio_IZ_IMG_2570

Maritzuli: Ixtorio Mixtorio
2012ko azaroak 10, larunbata, 17:00etan
Eibar, Coliseo antzokia
Sarrera: 5

Makilak hartuta Ezpeletara goaz

Asteburu honetan Herri Uzta jaialdia ospatuko da Lapurdin, Herri Soinu elkarteak antolatuta eta Iparraldeko Dantzarien Biltzarrarekin. Ostirala, larunbat eta igandean, dantza ekitaldi ugari izango dira Ezpeletan, Luhuson eta Arrangoitzen. Larunbatean, Ezpeletan, Euskal Herriko makila-dantzen erakustaldia egingo da, eta bertan izango da Kezka dantza taldea.

Kezkak Gipuzkoako makil-txikiekikoa, Arrateko makila txikiena eta koko-dantzetako makila-dantza eskainiko ditu. Kortes eta Otsagabiako dantzariak izango dira bertan, Gasteizko Indarra dantza taldekoak, Iurretako Mikel Deuna, Itsasuko Ataitze, eta Zuberoako dantzariak ere bai, bakoitzak bere inguruko makila-dantzak eskainiz.

Dantza Coliseoan: Dantzaz: Arte-an

Dantzaz: Arte-an
2012ko urriak 5, ostirala, 20:30ean

Dantzaz konpainiak Arte-an izeneko lan berria ekarriko du Eibarrera urriaren 5ean. Itzik Galili sortzailearen bi pieza biltzen ditu ikuskizuna. Batetik, Earth apples arrakastatsua, eta bestetik, sortze lan berri bat, Flash deluxe, Donostiako konpainiaren eskutik taularatu dena lehen aldiz. Paxkal Indoren perkusioen eta txalapartaren sormen handiko melodia du oinarri lan honek.


Dantzaz konpainia 2012. A place between (Lukas Timulak). Argazkia: Usoz.

Horiekin batera, ibilbide interesgarria egiten ari den koreografo gazte baten lana eskainiko du Dantzaz-ek. Lukas Timulak eslovakiarrak gailurra jo du munduko konpainia  onentsuena den Nederland Dans Theaterean eta berak sortutako A place between lana eskainiko du konpainiak. Bi ekitaldiren arteko unea izan liteke, baina baita jaiotzaren eta heriotzaren arteko gunea ere. Beti baikaude erdibidean.

 

Dantzaz: Arte-an
2012ko urriak 5, ostirala, 20:30ean
Eibar, Coliseo antzokia
Sarrera: 8

Dantza Coliseoan: Kukai-Tanttaka: 1937, Gogoaren bidezidorretatik

Kukai-Tanttaka: 1937, Gogoaren bidezidorretatik
2012ko irailak 21, ostirala, 20:30ean

1937ko bonbardaketen urteurreneko ekitaldien programan, Bakea eta Kulturen Urtearen egitarauan eskainiko dute Kukai dantza konpainiak eta Tanttaka antzerki taldeakj Eibarko Coliseo antzokian 1937, Gogoaren bidezidorretatik dantza ikuskizuna.

Euskal Herria suntsitzen ari zen gerratik ihesi, barkuan sartu eta erbestera bidali zituzten milaka umeen istorian oinarritzen da obra hau. Haur haietako zazpiren historia kontatzen da, tristura eta mina, baina baita bizipoza ere dantzaren bidez adieraziz.

Mireia Gabilondoren zuzendaritza, Juan Mari Beltranen musika eta Jon Mayaren koreografiak gorpuzten dute 1937, Gogoaren bidezidorretatik lana. 2002. urtean estreinatu zen ikuskizun hau eta harrezkero hamaika antzoki eta herritan ikusi ahal izan da, baita Eibarren ere, 2004an hain zuzen ere, Antzerki Jardunaldien baitan. 8 urte beranduago berriz ere Eibarren ikusi ahal izango da 1937, Gogoaren bidezidorretatik.

Fitxa teknikoa

  • Gidoia eta zuzendaria: Mireia Gabilondo.
  • Koreografia: Jon Maya.
  • Musika: Juan M.Beltran.
  • Dantzariak: Jon Maya, Eneko Gil, Urko Mitxelena, Alain Maya, Ibon Huarte, Nerea Vesga y Vanesa Castaño.

Kukai-Tanttaka: 1937, Gogoaren bidezidorretatik
2012ko irailak 21, ostirala, 20:30ean
Eibar, Coliseo antzokia
Sarrera: 10

Larunbatean, Arrateko Amaren dantzak Arraten

Irailean sartu eta begi bistan dugu Arrateko festa handia. Irailaren 8a larunbata egokitu da aurten, eta beraz, aste barruan lan eta ikasketa kontuak direla eta etorri ezinda geratzen diren zenbaitek aurten aprobetxatuko du. Ondorioz, ezpata-dantzarien taldea orain arteko handiena izango da. 50 lagunetik gora izango gara ezpata-dantzan.

2011-09-08_Arrate-FL-7198

Gonbidatuak

Urtero gonbidatu bereziak izaten ditugu Arraten eta aurten ere halaxe izango da. Galdakaoko Soiartze Artetxe, Tolosako Fernando Rojo eta Zarauzko Xabier Etxabe izango dira 2012ko Arrateko dantzarien kofradiako gonbidatu bereziak. Horiekin batera, aurreko urteetan izan diren zenbait gonbidatu, kofradiako kide direnak gaur egun, izango ditugu Arraten.

2011-09-08_Arrate_IZ_2857

Entseguak

Gaur hasi eta osteguna bitartean izango dira Arrateko dantzak prestatzeko azken ensaioak. Astelehena 3, Altzubarreneko frontoian ezpata-dantza prestatzen arituko gara. Ezpata-dantzari asko izango garenez, zerbait berezia izango da aurten eta horri erreperatuko diogu gaur. Bihar, asteartea 4, bakarlarien eta trokeo-dantzen ensaioa egingo dugu Portalea kultur etxean. Ostegunean, irailaren 6an, entsegu nagusia Arraten bertan izango da, Usartza txistulari taldeko musikariek lagunduta.

2011-09-08_Arrate-FL-7371

Arrate eguneko egitaraua

Arratietako egitaraua Ego Ibarraren gunean ikus dezakezue, eta Arrateko dantzei zehazki dagokiena hauxe da:

11:00etako meza nagusian ezpata-dantza
12:00etan, prozesioan ezpata-dantza
12:30ean Arrateko Amaren dantzak Arrateko zelaian, ezpata-dantza eta trokeo-dantzak.

Aunitz Urtez Portugaleteko Elai-Alairen ohorez

Pasa den uztailaren 21ean, Portugaleteko Nazioarteko folklore jaialdiaren hasiera ekitaldian aurketu da Argia dantzari taldearen Aunitz Urtez ikuskizuna Elai-Alai taldearen 50. urteurrena ospatzeko. Juan Antonio Urbeltzen zuzendaritzapean Argia, Duguna, Haritz eta Kezka taldeetako dantzariek parte hartu dugu emanaldian.
2012-07-21_Aunitz-Urtez-Portugaleten_IZ_7444
2012-07-21_Aunitz-Urtez-Portugaleten_IZ_7504
2012-07-21_Aunitz-Urtez-Portugaleten_IZ_7536
2012-07-21_Aunitz-Urtez-Portugaleten_IZ_7563
2012-07-21_Aunitz-Urtez-Portugaleten_IZ_7610
2012-07-21_Aunitz-Urtez-Portugaleten_IZ_7615
2012-07-21_Aunitz-Urtez-Portugaleten_IZ_7653

Iruñeko Aldapako San Fermin eta Eibarko Arrateko ezpata-dantzak bat egiten dute Aunitz Urtez ikusgarrian. Irradaka, Durangaldeko erregelak, fandango eta arin-arina, kadrileak, mutil-dantzak, soka-dantza eta ingurutxoa, zazpi ahuntzen dantza, Erronkariko ttun-ttuna eta Jaurrietako emakumeen dantzak osatzen dute ikuskizuna.

2012-07-21_Aunitz-Urtez-Portugaleten_IZ_7693
2012-07-21_Aunitz-Urtez-Portugaleten_IZ_7716
2012-07-21_Aunitz-Urtez-Portugaleten_IZ_7769
2012-07-21_Aunitz-Urtez-Portugaleten_IZ_7790

Portugaleteko San Roke plaza ederki egokitu zuten Elai-Alaiko lagunek, eta nazioarteko folklore jaialdi ederraren lehen ekinaldia ikusteko bete-bete egindako armailen aurrean dantza egiteko aukera izan dugu. Zorionak Elai-Alai eta Aunitz Urtez!
 
2012-07-21_Aunitz-Urtez-Portugaleten_IZ_7845
2012-07-21_Aunitz-Urtez-Portugaleten_IZ_7884
2012-07-21_Aunitz-Urtez-Portugaleten_IZ_7893
2012-07-21_Aunitz-Urtez-Portugaleten_IZ_7909
2012-07-21_Aunitz-Urtez-Portugaleten_IZ_7934
2012-07-21_Aunitz-Urtez-Portugaleten_IZ_7943
2012-07-21_Aunitz-Urtez-Portugaleten_IZ_7978
2012-07-21_Aunitz-Urtez-Portugaleten_IZ_8002

Iñaki Zugastik egindako argazki sorta hemen: