
Plazara Dantzara Eibarren, 2017-11-30. Argazkia: Iñaki Zugasti – cc by-sa
Gathubi taldearekin eta Jainaga eta Narbaiza trikitilariekin erromeria bana ospatuko dugu asteburu honetan ospatuko diren San Andres jaietan. Eta igandean, Kulturen Arteko Festan, kulturen arteko soka-dantza egingo dugu.
San Andres azokan Plazara Dantzara
Ohi bezala, eta 25 urtetik gorako tradizioari eutsiz, Plazara Dantzara erromeriak egingo ditugu San Andres festetan. Azaroaren 30ean egin ohi den azokaren baitan, eguerdiko 12:30etan, Jainaga eta Narbaiza trikitilarien eskutik ohiko dantzaldia izango da Untzaga plazan.

Arratsaldean, 18:00etan, Untzaga plazan bertan (eta euria balego Txantxa-zelaiko karpan) beste dantzaldi bat izango dugu, oraingoan, Iruñeko Gathubi taldearen doinura plazako dantzak eginez gozatzeko aukera izango da.

Kulturarteko soka-dantza
Biharamunean, igandean, abenduaren 1ean, Kulturarteko Topaketa ospatuko da. Bateko eta besteko sukaldaritza, henna tatuaje tailerra, marokiar musika, eta afrikar perkusio eta dantzak izango dira goizeko 10:00etatik Untzaga Plazan, eta 13:30ean, kulturarteko soka-dantza egingo dugu.

Kezka dantzan San Andres festetan
- Azaroak 30, larunbata, 12:30, Plazara Dantzara erromeria Jaina eta Narbaizarekin, Untzaga plazan.
- Azaroak 30, larunbata, 18:00, Plazara Dantzara erromeria Gathubirekin, Untzaga plazan (eguraldiaren arabera Txantxa-zelaiko karpan)
- Abenduak 1, igandea, 13:30, Kulturarteko soka-dantza.