San Joan soka-dantza 2018

Joan zan San Joan  eta joan zen San Joan gauez aurtengo soka-dantza ere.

Laugarrenez sartu ginen elkarri estu helduta eta korrika betean Untzagako plazara, Jainaga eta Narbaizak beraien lanak bukatu ondoren.

K180624 EIBAR Sanjuanak SOKA DANTZA IMG 8240 IZ
Argazkia: Iñaki Zugasti, dantzan.eus CC BY-SA

Erromerian jauzika ibili ziren zenbait lagun eta haiek utzitako lekua bete zuen gure soka zuri-gorriak lasterka.K180624 EIBAR Sanjuanak SOKA DANTZA IMG 8251 IZ (4)

Argazkia: Iñaki Zugasti, dantzan.eus CC BY-SA

Luken Aranburu aurreskuak egin zuen tira eta Eider Agirrebeña izan zen azkena plazan sartzen, atzesku gisa. Buruz-buru desafio ederra egin ondoren, abarketen doinuarekin sokako kideek binaka edo hirunaka jardun genuen, norbere honenak ematen.

K180624 EIBAR Sanjuanak SOKA DANTZA IMG 8261 IZ
Argazkia: Iñaki Zugasti, dantzan.eus CC BY-SA
K180624 EIBAR Sanjuanak SOKA DANTZA IMG 8357 IZ
Argazkia: Iñaki Zugasti, dantzan.eus CC BY-SA
K180624 EIBAR Sanjuanak SOKA DANTZA IMG 8294 IZ
Argazkia: Iñaki Zugasti, dantzan.eus CC BY-SA

Jarraian, San Joan zortzikoarekin, aurreskua eta atzeskua txandaka jardun ziren dantzan eta dagoeneko ohitura bihurtzen ari den dantzan, dantzari guztiek batera egin genuen jauzi.

K180624 EIBAR Sanjuanak SOKA DANTZA IMG 8400a IZ
Argazkia: Iñaki Zugasti, dantzan.eus CC BY-SA

2018ko honetan, Eibarko Club Deportiboko bi atleta izan ziren omenduak, Pello Osoro triatoilaria batetik eta Odei Jainaga xabalina jaurtilaria bestetik. Irribarrez hartu zuten omenaldia eta elegante aritu ziren fandango eta arin-arinean ere, zorionak bioi egindako denboraldi borobilarengatik!

K180624 EIBAR Sanjuanak SOKA DANTZA IMG 8427 IZ
Argazkia: Iñaki Zugasti, dantzan.eus CC BY-SA

Bukatzeko, dantzari eta atleta, denak batera kalejiran irten ginen plazatik, su artifizialei lekua uzteko.

Argazki gehiago ikusi nahi izanez gero, egin klik hemen:

San Joan soka-dantza, 2018

Utzi erantzuna

Zure e-posta helbidea ez da argitaratuko. Beharrezko eremuak * markatuta daude