San Joan soka-dantza, 2017

Ia 30 dantzariz osatutako soka lasterka bizian sartu zen Untzagako plazara 2017ko ekainaren 24an, gaueko 23.00ak eman berri zirenean. Eider Agirrebeñak egin zion tira sokari eta bera aritu zen aurresku lanetan; Ander Garitagoitia berriz, atzeskua aritu zen.

K170624 Eibar Sanjuanak Sokadantza IMG 7908 IZ
Argazkia: Iñaki zugasti – dantzan.eus CC BY-SA

Behin soka plazaren erdian kokatuta, desafioan aritu ziren aurresku eta atzeskua, nor baino nor dantzan.

K170624 Eibar Sanjuanak Sokadantza IMG 7918 IZ
Argazkia: Iñaki Zugasti – dantzan.eus CC By-SA
K170624 Eibar Sanjuanak Sokadantza IMG 7921 IZ
Argazkia: Iñaki Zugasti – dantzan.eus CC By-SA

Desafioaren ondotik, San Juan zortzikoarekin sokako kide guztiek batera ekin zioten lehenengo eta jarraian, abarketen doinuarekin, bi edo hiru dantzariz osatutako taldetxoetan egin zuten dantza, nork bere onenak emanda. Jendez lepo zegoen plaza eta txalo zaparrada jaso zuten dantzari guztiek ere.

K170624 Eibar Sanjuanak Sokadantza IMG 7944 IZ
Argazkia: Iñaki Zugasti – dantzan.eus CC By-SA

Usartza taldeko Enrike Montero, Ainhoa Urkizu, Asier Castelos eta Iñaki Orbegozo txistulariek lagunduta, aurtengo gonbidatuei, Ballet Eibarreseko ordezkariei agurra eta Aita San Miguel doinuak eskaini zizkieten aurresku-atzeskuek.

2017 06 24 Eibar soka dantza FL MG 5354
Argazkia: Felipe Loiola – dantzan.eus CC BY-SA

Hala, 2017an gonbidatu izan diren Ballet Eibarreseko lagunek gurekin batera fandango eta arinarina dantzatu zuten eta su-artifizialei bide eman genien, urtero bezala.

K170624 Eibar Sanjuanak Sokadantza IMG 8176 IZ
Argazkia: Iñaki Zugasti – dantzan.eus CC By-SA
2017 06 24 Eibar soka dantza FL MG 5355
Argazkia: Iñaki Zugasti – dantzan.eus CC BY-SA

Hona hemen kontatutakoa osatzeko zenbait argazki.

Utzi erantzuna

Zure e-posta helbidea ez da argitaratuko.