2017ko urriaren 21a, larunbata, 17:00etan Coliseo Antzokian. Sarrera: 5 €

Lorez lore haurrei zuzendutako dantza-ikuskizuna eskainiko dute Inma Montalvok eta Abraham Muñozek Eibarko Coliseo antzokian datorren larunbatean. Urriaren 21ean, arratsaldeko 17:00etan, izango da ordu bat eta erdi inguru iraungo duen dantza-emanaldia.

3-6 urteko haurrei zuzendutako ikuskizunak, urtaroen bitartez, naturarekiko kontzientzia bultzatu nahi du haurrengan. Ikuskizunak haurrak estimulatzen ditu arte eta kultura ikusle gisa izan beharko lituzketen zentzumenen bidez. Jakin-mina eta sormena garatu nahi ditu, eta haurren gorputz-adierazpena areagotu.

Fitxa teknikoa

• Zuzendaria: Inma Montalvo, Fernando Hurtado
• Koreografia: Inma Montalvo
• Antzezleak: Inma Montalvo, Abraham Muñoz
• Jantzien diseinua: Sofia Lasserrot, Inma Montalvo
• Eszenografiaren diseinua: Inma Montalvo, Fernando Hurtado
• Argiztapenaren diseinua: Sergio Rodríguez
• Proiekzioen diseinua: José Carlos Acal
• Marrazkigilea: Jorge Masiques
• Jantzien egilea: Carmen
• Eszenografairen egilea: Fran Coronado

Cia Fernando Hurtado: Lorez lore

2017ko urriaren 21a, larunbata 17:00etan
Eibar, Coliseo Antzokia
Sarrera 5 €

Tiraka, animoka, estututa izan ditugu azken urteotan Santa Kurutzeko gazteak, sokan sartzen jendea animatzen ez zela eta, lotsatu egiten omen ziren. Baina batzutan naturaltasun kontua besterik ez da lotsa kentzearena, eta azken bi urteotan horrela egin dira gauzak Mandiola auzoko Santa Kurutz gainean, giro onean, dantzan, natural!

Aurreko urtekoa txikia izan ez bazen ere, gogoan dugun sokarik luzeena osatu zuten maiatzaren 7an inguruetako baserrietatik eta kaletik ermitara hurbildutakoek. Idoia Lahidalga eta Maitene Fariñas zerbitzariek ez zuten lan gogorrik egin behar izan soka osatzeko, gerturatutakoak azkar heldu baitzioten elkarri eskutik.

Argazkia: Iñaki Zugasti-Dantzan CC-BY-SA

Oihane Llorente aurresku eta Leire Andikoetxea atzesku zirela gauzatu zen soka-dantza, eta hasi bezain pronto hara! berriro gertatu zen! txapela ermita gainera! hori ere tradizio bilakatzen hasi zaigu Santa Kurutzen, eskerrak auzokoek desafioko lehen notak entzun orduko eskailera prest izaten duten!

Argazkia: Iñaki Zugasti-Dantzan CC-BY-SA

Argazkia: Iñaki Zugasti-Dantzan CC-BY-SA

Desafio, zubi, zortziko, agur, fandago eta arin-arin, kalejira… lanean fin aritu ziren denak, dantzari eta musikariak. Aurten ere, Usartzako txistulari lagunak izan ditugu gu dantzan jartzen: Enrike Montero, German Ereña, Asier Kastelos eta Ainhoa Urkizu hain zuzen ere.

Argazkia: Iñaki Zugasti-Dantzan CC-BY-SA

Argazkia: Iñaki Zugasti-Dantzan CC-BY-SA

Argazkia: Iñaki Zugasti-Dantzan CC-BY-SA

Gure lanak amaitu baziren ere giroak ez zuen inola ere amaitzeko asmorik eta jateko eta edatekoen artean jolasean, kantuan eta dantzan jarraitu zuen Santa Kurutzek.

Argazkia: Iñaki Zugasti-Dantzan CC-BY-SA

Iñaki Zugastik Santa Kurutzen ateratako argazki sorta zabalagoa ikusteko, egin klik hemen: