Ekainaren 12an ospatu genuen Eibarren 2015eko dantzari eguna eta Kezka dantza taldeko dantzari txiki, gazte zein helduek parte hartu genuen bertan. Untzaga plazan ospatzen dugu urtero dantzarion egun hau, baina aurtengoan eguraldia nahasi zegoela eta ezin izan genituen Eibarko kaleak dantzaz bete. Honela, 19:30ean Mogel Isasi Ikastetxeko patioko aterpean plazaratu genituen dantzok guraso, familiako, lagun eta ikuslez inguratuta.

Portaleko dantza gelan arropak ondo-ondo atondu eta Txantxa zelaiko kioskoan taldeko argazkiak aterata igo ginen dantzari guztiok Isasin gora erdi korrika, euri zaparradak harrapatu gintuen-eta.

Enrike Izagirrek aurkeztuta, hamaika dantza sorta plazaratu genituen bata bestearen atzetik, eta, amaieran denok batera kalejiran bukatu genuen emanaldia. Musikari lanetan Andoni Altzibar (txistua), Amaia Baglieto (txistua) eta Jose Miguel Laskurain (txistua eta gaita), Iñaki Barua (atabala), Andoni Urbieta (gaita), German Ereña (danborra), adolfo Jainaga (esku-soinua) eta Unai Narbaiza (panderoa) ibili ziren beti bezain fin.

Argazkia: Felipe Loiola. Dantzan, CC BY-SA

Emanaldia 2003an jaiotako neskek hasi zuten, Gipuzkoako dantzen sorta batekin. Horien eskutik, agurraz, makil-txikiekikoaz eta zinta-dantzaz gozatzeko aukera izan zuten bertaratutakoek.

Argazkia: Iñaki Zugasti. Dantzan, CC BY-SA

Argazkia: Iñaki Zugasti. Dantzan, CC BY-SA

Txikienek, 2008an jaiotako neska mutilek, jarraitu zuten gero. Festarako gogoz etorri ziren beraien lehenengo dantzari egunean eta bi dantza alai eskaini zituzten Sasikopaitsu eta Elosutik Etxesarkortara doinuak dantzatuz.

Argazkia: Iñaki zugasti. Dantzan, CC BY-SA

Argazkia: Felipe Loiola. Dantza, CC BY-SA

Urtebete nagusiagoek, Inude eta Artzaien dantzak egin zituzten, dotore.

Argazkia: Iñaki Zugasti. Dantzan, CC BY-SA

Argazkia: Iñaki zugasti. Dantzan, CC BY-SA

2006ko neska mutilen txanda iritsita, Aduna eta Andoaingo axeri-dantza ikusteko aukera izan zuten bertan bildutakoek. Dantzaren zenbait zati eskaini zituzten: Paseoa, Aitarena, Orratzarena, Ilentiarena, Paseoa, Perra-jartzea, Dorrea eta Kalejira.

Argazkia. CC BY-SA

Argazkia: Felipe Loiola. Dantzan, CC BY-SA

Kontra-dantzen jira eta birek ere izan zuten lekua 2015eko dantzari egunean. Luzaideko kontra-dantzak; lehena, bigarrena eta polka-pik egin baitzituzten 2004ko neskek.

Argazkia: Iñaki Zugasti. Dantzan, CC BY-SA

Gorularien bi dantza, arku-dantza eta zinta-dantza eskeini zituzten ondoren 2005ean jaiotako neskek. Eta jarraian, urte bereko mutilek Villabuenako makila-dantzetako bi egin zituzten: Te vi eta Bailaos.

Argazkia: Iñaki Zugasti. Dantzan, CC BY-SA

Argazkia: Iñaki Zugasti. Dantan CC BY-SA

Argazkia: Iñaki Zugasti. Dantzan, CC BY-SA

Argazkia: Iñaki Zugasti. CC BY-SA

Lapurdira jauzi egin genuen orduan eta bertako fandangoa ikusteko aukera izan zen 1999 eta 2000ko nesken eskutik.

Argazkia: Iñaki Zugasti. Dantzan, CC BY-SA

Argazkia: Felipe Loiola. Dantzan, CC BY-SA

Eta Lapurditik Nafarroara, Lesakara. 2002, 2003 eta 2004ko mutilez osatutako taldeak Lesakan egiten diren dantzen sorta ederra ekarri zuten. Zubirik ez zegoen patioan baina berdin berdin osatu zuten sortatxoa. Hauek egin zituztenak: makil-gurutze, ziarkakoa, zubigainekoa eta zantzo monona.

Argazkia: Iñaki Zugasti. Dantzan, CC BY-SA

Argazkia: iñaki Zugasti. Dantzan, CC BY-SA

Nagusien taldeak Arrateko trokeo-dantzekin sartu aurretik Irradaka eskaini zuten neskek, 2000-2001-2002 urteetan jaiotakoek.

Argazkia: Iñaki Zugasti. Dantzan, CC BY-SA

Argazkia: Felipe Loiola. DAntzan, CC BY-SA

Emanaldiari osatzeko, Kezkako nagusienen taldeak hartu zuen plaza lehenengo. Hauek Arrateko trokeo-dantzak erakutsi zituzten: Makil txikiena, makil handiena eta brokel-makilena. Kalejira batekin amaitu zuten beraien tartea, eta inguruko dantzari txiki eta gazte guztiak sokara batuta bete-bete egin genuen Mogel Isasiko patioa, hurrengo urtean Untzagako plaza berdin betetzeko gogoarekin.

Argazkia: Iñaki Zugasti. CC BY-SA

Argazkia: Iñaki Zugasti. Dantzan, CC BY-SA

Hona Felipe Loiola eta Iñaki Zugastiren argazkiek osatutako galeria:

Astearte eguzkitsua 2015eko irailaren 8a, Eibarren Arrate eguna. Arrateko Amaren kofradiako dantzariok ohi bezala zelairatu genituen ezpata-dantza eta trokeo-dantzak. Urteetan kofradiako kide egin diren dantzari gonbidatuez gain 2015ean bi gonbidatu berezi izan genituen gure artean: Aitor Sorazu Azkoitiko Sahatsa dantza taldeko kidea eta Bizkargi Musika eta Dantza eskolako irakaslea, eta Karmelo Angiozar San Lorentzo dantza taldeko berriztarra. Bi dantza maisu, bi dantza molde. Guztira 55 dantzarik osatu genuen taldea.

Urtero lez, bezperako gaupaseroak oraindik zelaian zeudela iritsi ginen dantzariak Arratera, goizeko 9:00ak aldera. Oraindik bizirik zirauten koadrilakoak agurtu eta zelaian belaunaldi aldaketa eman zenerako dantzari arropak jantzita geunden, mezara sarrera egiteko prest. Aurretik, urteroko argazki ofiziala egin genuen:

Argazkia: Felipe Loiola – Dantzan.eus CC BY- SA

Hona taldea osatu genuen guztion zerrenda:

• Goiko Ilaran ezkerretik eskuinera: Joseba Aranzabal, Enrike Izagirre, Maialen Araolaza, Oihane Llorente, Ander Garitagoitia, Arkaitz Pascuas, Arkaitz Urreta, Oier Ibarbia, Mikel Sarriegi, Unai Txurruka, Iñaki Arregi, Ekhi Zugasti, Abel Iriondo, Esther Kareaga eta Andoni Iriondo.
• Bigarren ilaran ezkerretik eskuinera: Idoia Lahidalga, Maier Fernandez, Irati Kortabitarte, Ainhoa Larrañaga, Olaiz Agirrebeña, Leire Andikoetxea, Eneritz Ganboa, Maialen Astigarraga, Olaia Gabirondo, Maitane Fariñas, Amaia Rodriguez, Jone Lahidalga eta Leire Egiguren.
• Hirugarren ilaran ezkerretik eskuinea: Nerea Ereña, Amaia Gorrotxategi, Maialen Zabala, Maddi Alberdi, Lurdes Odriozola, Nagore Fernandez, Egoitz Blanco, Anartz Fernandez, Endika Arrilaga, Irati Egiguren, Maite Gonzalez, Olatz Mandiola, Naroa Arrizabalaga eta Oier Araolaza.
• Beheko ilaran ezkerretik eskuinera: Miren Hazas, Nagore de las Cuevas, Roberto Altzerreka, Jexux Larrea, Enrike Corcostegui, Aitor Sorazu, Josu Garate, Karmelo Angiozar, Lisa Corcostegui, Ane Sarasketa, Igor Baroja eta Jone Saez.

11:00etako meza nagusian egin genuen lehen agerraldia. Hamar dantzarik osatutako bi ilara luzek, kapitainak eta bi azkendariek bete genuen elizako pasillo nagusia. Aldare aurrera iritsita, Sorazu eta Angiozarrek Arrateko ezpata-dantza dantzatu zuten.

Argazkia: Iñaki Zugasti – Dantzan.eus CC BY-SA

Argazkia: Felipe Loiola – Dantzan.eus CC BY-SA

Meza osteko prozesioan, gurutzeari buelta emanda bueltatu ginen eliza aurrera eta han 2 azkendari, Irati Kortabitarte eta Ander Garitagoitia gehitu zitzaizkien gonbidatuei. Ezpata-txikien jarduna ezpatak estu-estu helduta egin zuten laurek, nork baino nork ederrago.

Argazkia: Iñaki Zugasti – Dantzan.eus CC BY-SA

Argazkia: Iñaki Zugasti – Dantzan.eus CC BY-SA

Argazkia: Iñaki Zugasti – Dantzan.eus CC BY-SA

Zelaira hurbiltzeko ordua iristen zaigu eliza aurrekoak amaituta. 12:30etan, Usartza Txistulari Taldeako Enrike Montero, Ainhoa Urkizu, German Ereña eta Asier Castelosek iriarenaren lehen notak jotzearekin batera egin genuen sarrera zelaira. Jendez lepo egon ohi da ordu horretarako, haur, gazte zein heldu, sagardo eta txorizo pintxo artean jai egunaz gozatzen. Dantzarion tropelak, bueltan-bueltan egin genuen lekua zelaian, talde handia izanik ezpata-dantzan bi parrilla egin behar genituen eta zelai erdiaz jabetzeko premian geunden eta.

Argazkia: Iñaki Zugasti – Dantzan.eus CC BY-SA

Argazkia: Iñaki Zugasti – Dantzan.eus CC BY-SA

Ezpata-dantzan, eliza aurrean aritutako azkendariak bikoiztu genituen. Alde batetik, Gipuzkoako ezpata txikien dantzan, Kortabitarte, Garitagoitia eta Sorazuri Igor Baroja debarra gehitu zitzaien. Arrateko ezpata-dantzan, Angiozar, Garitagoitika, Sorazu eta Kortatibarterekin aurrez aurre Ekhi Zugasti, Jone Lahidalga, Jone Saez eta Miren Hazas aritu ziren. Horrela, Oihane Llorente eta Josu Garate kapitainak ezpaten gainean zeudela zortzi azkendariek hartu zuten zelaia.

Argazkia: Felipe Loiola – Dantzan.eus CC BY-SA

Argazkia: Felipe Loiola – Dantzan.eus CC BY-SA

Ezpata-dantzarekin amaitura Arrateko trokeo-dantzak egin genituen. Miren Hazasek egin zituen makil txinienean kapitain lanak, makil handienean, aldiz, Karmelo Angiozarrek eta brokel-makilenean Abel Iriondok. Hona taldeak osatu zituzten dantzarien izenak:

• Makil txikiena: Jone Lahidalga, Olaiz Agirrebeña, Amaia Rodriguez, Egoitz Blanco, Maite Gonzalez, Nagore Fernandez, Nerea Ereña eta Irati Egiguren.
• Makil handiena: Josu Garate, Enrike Izagirre, Oier Araolaza, Eneritz Ganboa, Unai Txurruka, Oier Ibarbia, Oihane Llorente eta Ander Garitagoitia.
• Broke-makilena: Miren Hazas, Jone Saez, Olaia Gabirondo, Ekhi Zugasti, Leire Andikoetxea, Maitane Fariñas, Ainhoa Larrañaga eta Irati Kortabitarte.

Argazkia: Felipe Loiola – Dantzan.eus CC BY-SA

Argazkia: Iñaki Zugasti – Dantzan.eus CC BY-SA

Argazkia: Iñaki Zugasti – Dantzan.eus CC BY-SA

Jardun hauekin zelaikoak amaitu eta erropak aldatu ostean dantzariok ere sagardo eta txorizo pintxoen taldera batu ginen. Aurreko urteetan Krabelingo jatetxean bakaldu ohi izan dugu baina hau itxita zegoela eta , Tiro pitxoiko tabernan hartua genuen bazkaltzeko lekua lehenengoz. Garaiz joan ginen eta azken autobusa hartzeko garaiz irten…

Argazkia: Felipe Loiola – Dantzan.eus CC BY-SA

Bazkal osteko zeremoniak ederrak izaten dira dantzariontzat Arrate egunez. Egunean gertatutakoak kofradiako liburuan jaso eta irakurtzen ditu Enrike Izagirrek, Kofradiako kide berriei harrera egin eta Arrateko dantzarien kofradiarekin Arrate egunez hamar aldiz dantzatu dutenei domina jabetzan ematen zaie. Aurten, esan bezala, Karmelo Angiozar eta Aitor Sorazu gehitu zaizkigu kofradiara eta Ainhoa Larrañagak eta Eneritz Ganboak jaso dute hamargarrenez dantza egin izanaren oroigarria. Eguna hasi bezala amaitu genuen, Arrateko zelaian dantzan.

Argazkia: Felipe Loiola – Dantzan.eus CC BY-SA

Argazkia: Felipe Loiola – Dantzan.eus CC BY-SA

Hona Felipe Loiolak eta Iñaki Zugastik egindako argazki sorta:

1994 urtean berreskuratu zenekin makina bat urtetan plazaratu du Kezka dantza taldeak San Juanetako Soka-dantza Utzagan. Ordua aldatu digute zenbaitetan, udalbatzak sokan parte hartzeari utzi zion halako batean, ilunetan dantza egin izan dugu beti, kontzertu-ikuskizun kolororetsuek kokiltzen gaituzte orain. Baina 2015eko ekainaren 24an, gure eskutik etorri ziren aldaketak. Hasiera hasieratik sokan irten ginen dantzari guztiok, neska zein mutil, orain arte egiten genuen soka-dantza ereduari buelta emanda.

Omenduak San Andres eskolako kideak eta Eibarko Euskal Jaiko antolatzaileak izan ziren, biek 50 urte bete baitzituzten 2015ean.

Argazkia: Felipe Loiola. Dantzan, CC BY-SA

Usartza txistulari taldea, ohi bezala fin eta dotore.

Argazkia: Iñaki Zugasti. Dantzan, CC BY-SA

Argazkia: Felipe Loiola. Dantzan, CC BY-SA

32 dantzari, Luken Aranburu aurresku eta Eider Agirrebeña atzesku zirela, abiadura bizian plazaratu ginen gaueko 23:30ean. Sokaren muturrek desafioa egin zuten ohi bezala, bata besteari begira, musika biziari segika. Urrutira botatako txapelen bila ere ohi bezala ibili ziren, alde batera eta bestera begira, non ote zeuden asmatu ezinda. Sokara bueltatuta, zubiek dantzarien abileziak erakusteko uneari eman zioten paso.

Argazkia: Iñaki Zugasti. Dantza CC BY-SA

Argazkia: Iñaki Zugasti. Dantzan, CC BY-SA

San Juan zortzikoa izan da soka-dantzako nobedadeetako bat. Urteetan beste zortziko batzuk egin izan ditugu, baina 2016ean San Juan egunarekin eta Eibarrekin oso lotuta dagoen doinua baliatu dugu soka osoan dantzan jartzeko.

Argazkia: Iñaki Zugazti. Dantzan, CC BY-SA

Argazkia: Iñaki Zugasti. Dantzan, CC BY-SA

Dantza aldetik jolasteko aukera eman digu San Juan zortzikoak. Soka luzeak banakako eta taldekako zatietan urrats eta aldaira formula desberdinak eta prestatutako segidak eta inprobisazioak batera lantzeko aukera eman digu. Erronka koreografikoa izan da, dantzatzeko behintzat exijentea baina aldi berean gozagarria.

Argazkia: Iñaki Zugasti. Dantzan, CC BY-SA

Argazkia: Felipe Loiola. CC BY-SA

Zortzikoaren erronka gaindituta irten ziren Maider Otaola, Itati Kortabitarte, Ander Garitagoitia eta Ainhoa Larrañaga zerbitzariak sokatik. Omenduen bila joan eta ilaran jarrita Agirrebeña eta Aranburuk agurra eskaini zieten, ondoren sokan sartuz taldera batzeko. Aurrean esan bezala San Andres eskolako kideetako batzuk eta Eibarko Euskal Jaiko antolatzaileetako batzuk izan genituen sokan gurekin batera dantzan.

Argazkia: Iñaki Zugasti. Dantzan, CC BY-SA

Argazkia: Felipe Loiola. Dantzan, CC BY-SA

Argazkia: Iñaki Zugazti. Dantzan, CC BY-SA

Ohi bezala, fandangoa, arin-arina eta kalejirarekin amaitu eta soka luzeak plaza utzi zuen umore onean. Datorren San Juan gauerarte.

Argazkia: Felipe Loiola. Dantzan, CC BY-SA

Argazkia: Iñaki Zugasti. Dantzan, CC BY-SA

Argazkia: Felipe Loiola. Dantzan, CC BY-SA

San Juan soka-dantza 2015, parte hartzaileak:

• Aurreskua: Luken Aranburu
• Atzeskua: Eider Agirebeña
• Zerbitzariak: Ander Garitagoitia, Maider Otaola, Irati Kortabitarte eta Ainhoa Larrañaga.
• Dantzariak: Oihane Llorente, Egoitz Blanco, Oier Araolaza, Olaia Gabirondo, Nagore Fernandez, Olaiz Agirrebeña, Joanes Plazaola, Enrike Izagirre, Miren Hazas, Maite Gonzalez, Leire Andikoetxea, Maitane Fariñas, Ekhi Zugasti, Unai Txurruka, Julene Usobiaga, Jone Amuategi, Jone Lahidalga, Esther Kareaga, Idoia Lahidalga, Amaia Gorrotxategi, Naroa Arrizabalaga, Maddi Alberdi, Maialen Zabala, Olatz Mandiola eta Maier Fernandez
• Txistulariak: Ainhoa Urkizu, Enrike Montero, Asier Castelos eta Iñaki Orbegozo (Usartza Txistu Taldea).

Hona Felipe Loiola eta Iñaki Zugastik ateratako argazki sorta:

Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantzari eta txistulariek.

Larunbat goizean iritsi ginen Valladolidera eta bazkal aurretik hiriko plaza eta kale nagusiak ezagutzeko aukera izan genuen. Plaza Mayor-en atera genuen astebukaerako lehenengo talde argazkia.

Bazkalordua iritsia zela eta Gure Txoko euskal etxeko egoitzara jo genuen, ederra ongi etorria egin zigutena! Han eta hemengo euskaldun eta lagunekin bapo bazkadu eta kantuan ere ibili ginen. Euskal kantei errepaso galanta eman ostean, euskal etxearen patioan azken entseguak egin eta dantzari arropak jantzi genituen, Valladolideko katedralean 18:00etako mezan euskal dantzariak espero zituzten eta.

Andre Mariaren Jasokundearen katedrala da Valladolidekoa, eta bertan, euskal etxeko abesbatzarekin batera, egin genuen lehen agerraldia. Arrate egunez elizan egiten dugun sarrera egin genuen katedralean ere. Luken Aranburu eta Ander Garitagoitia aritu ziren ezpata txikiekin. Amaia Baglietto, Andoni Altzibar eta Andoni Urbieta txistulariek eta Iñaki Barua atabalariak musikari lanetan lagunduta.

Meza ostean, katedral ondoko Unibertsitatearen Plazan egin genuen Arrateko dantzen sorta osoa. Ezpata-dantzarekin hasi eta makil txikiena, makil handiena eta brokel-makilenarekin amaituz. Lehenengoan Miren Hazas, Jone Saez, Jone Lahidalga eta Eider Agirrebeña izan ziren azkendari eta Oihane Llorentek hartu zuen, bere aldetik, taldearen buruzagitza.

Makil txikienean Eider Agirrebeñak egin zituen buruzagi lanak, makil handienean Ander Garitagoitiak eta brokel-makilenean, aldiz, Luken Aranburuk. Bestetik, taldeak honela zeuden osatuta:

• Makil txikiena: Naroa Arrizabalaga, Maialen Zabala, Irati Egiguren, Amaia Gorrotxategi, Nere Ereña, Maier Fendandez, Unai Txurruka eta Endika Arrizabalaga.
• Makil handiena: Maddi Alberdi, Maitane Fariñas, Leire Andikoetxea, Egoitz Blanco, Maite Gonzalez, Oihane Llorente, Unai Txurruka eta Miren Hazas.
• Brokel-makilena: Jone Lahidalga, Idoia Lahidalga, Olaiz Agirrebeña, Maitane Fariñas, Olaia Gabirondo, Amaia Rodriguez, Maider Otaola eta  Jone Saez.

Dantza emanaldiaren ostean “txokoan” hartu gintuzten berriro Valladolideko euskaldunek eta bapo afaldu ostean hiriburua gauez ezagutzeko aukera izan genuen. Larregi ere ez ordea, hurrengo goizeko kalejirarako prest egon beharra zegoen eta!

Goizean goizetik dantzari jantzita hasi genuen igandea. Plaza Mayorren euskal etxeko kideekin batu eta kalejiran, dantzan eta kantuan, ibili ginen hiriko kale eta plazetan zehar. Oraingoan soka-dantzan, dantza soltean edo jauziak egiten aritzeko aukera ere izan genuen eta pintxo eta edari artean etxekoak dantzara ere animatu ziren azkenean.

San Benito eliza aurrean, meza irteeran, jende dexente batu zitzaigun inguruan eta Arrateko trokeo-dantzen sorta osoa egiteko aukera ezin hobea suertatu zitzaigun. Dantza soltean ere aritu ginen, kalejiraren erritmora kalean zehar saltoka jarraitu aurretik.

Goiza dantzan eta kantuan igaro ostean iritsi zitzaigun etxera bueltatzeko ordua. Lehenago, ordea, azken jatorduaz gozatu genuen “Gure Txoko” elkartean. Argi gelditu zitzaigun bertakoak dantzan eta kantuan jakiteaz gain sukaldean ere ez direla makalak. Eskerrik asko eta hurren arte Valladolid!

• Arrateko dantzak Valladoliden (argazkiak)