Aunitz Urtez ikuskizunaren argazki-kronikaren bigarren entrega. Lehenengoan ezpata-dantzak ikusi baditugu, orain irradakak, soka-dantzak, jotak eta kontra-dantzak ditugu.
Pasa den urriaren 16an, Bilboko Arriaga antzokian eskainitako Aunitz Urtez ikuskizunaren argazki-kronikaren lehen kapitulua. Juan Antonio Urbeltz eta Argia dantzari taldeko dantza-maisuen zuzendaritzapean, Donostiako Argia, Iruñeko Duguna, Elgoibarko Haritz eta Eibarko Kezka taldeko dantzariak aritu ziren eskenatokian.
Ohi bezala, Iñaki 
Zugastik argazki sorta ederra egin du eta zatika joango gara argitaratzen. Hasteko ezpata-dantzen inguruko argazki batzuk sareratzen hasiko gara. Iruñeko Aldapako San Ferminen ezpata-dantza eta Arrateko ezpata-dantzak bat egin zuten Arriagako eszenatokian. Ezpata-dantza hauen ohiko lekua plaza, kalea edo zelaia bada ere, Urbeltzek eszenatokirako egokitu eta bi ezpata-dantzak ederki lotu zituen.
Juan Antonio Urbeltzen zuzendaritzapean, Aunitz Urtez ikuskizun berria aurkeztuko du Argia dantzari taldeak igandean, urriaren 16an, Bilboko Arriaga antzokian. Aunitz Urtez ikuskizunean Arrateko ezpata-dantza eskainiko da, Iruñeko ezpata-dantzarekin batera.
Ezpata-dantzak, 
irradakak, soka-dantzak eta ingurutxoak izango dira Aunitz Urtez ikuskizun berriaren osagai nagusiak. Azken urteotan Urbeltz beraren eta Argiako dantza-maisuen laguntzaren plazaratu diren Iruñeko Aldapako San Ferminen ezpata-dantza eta Arrateko ezpata-dantzak bat egingo dute Arriagako eszenatokian.
Ohi bezala, Donostiako Argiako dantzariekin batera Iruñeko Duguna, Elgoibarko Haritz eta 
Eibarko Kezka dantza taldeetako dantzariek parte hartuko dute Argiaren ikuskizun berrian. Eibarko Kezka dantza taldetik 16 dantzarik parte hartuko dute Arriagako emanaldian: Irati Kortabitarte, Luken Aranburu, Aiert Ibarbia, Josu Garate, Oier Ibarbia, Ekhi Zugasti, Enrike Izagirre, Oihane Llorente, Esther Kareaga, Joseba Aranzabal, Zuriñe Torre, Unai Txurruka, Olaia Gabirondo, Izaskun Alberdi, Ainhoa Larrañaga eta Oier Araolaza.
Aunitz Urtez
Juan Antonio Urbeltz
Argia, Duguna, Haritz eta Kezka dantza taldeak
Bilboko Arriaga Antzokia
2011ko Urriak 11, igandea, 19:00etan
Sarrera salmenta