Koko-dantzak eta koko-eskea Eibarko (ia) baserri guztietan

Lau urte ondoren osatu dugu pasa den otsailaren 26an Eibarko baserrietan barrena 2008an hasi genuen koko-eske ibilbidea. Koko-eskea egiteko mapari begira hasi eta 100 baserri inguru kontatu genituen, eta beraz, azkar ohartu ginen urte beten egiteko lartxo izango zela. Lau urtetan osatu dugu ibilbidea, Arrate ballen asi eta Gorosta, Mandiola. Agina eta Otaola-Kiñarrako baserriak bisitatu ditugu. Eta harrituta gaude izan dugun harrerarekin.
2011-02-26_Koko-dantzak-IZ-7621
2011ko koko-dantzak ohi bezala, goizean goiz hasi genituen. 7:30ean koko-janzten hasi, eta 8:30ean merkatu plazan egin genuen lehen emanaldia. Ohartuta gaude, gero eta gehiago direla goizean-goizeko lehen emanaldi horri ikustera etortzen direnak, ondokoak baserrietan direnez, zailago gertatzen baitira.
2011-02-26_Koko-dantzak-IZ-7666
Segidan Azitain aldera jo genuen eta aldapa ederrak igo ondoren Loixola, Eguren eta Ixkuan izan ginen. Azitainera jaitsi eta Txopen-en oraindik ohetik atera genituen batzuk. Sautxitik gora Iragorri bisitatu eta han goitik Eibar ikusteko aukera izan genuen.
2011-02-26_Koko-dantzak-IZ-7693
Herria gurutzatu, eta Udaletxe atzean, tren-geltoki berriaren inaugurazio ekitaldirako zain zeudenak agurtu genituen zarata piskat eginez, eta Ipurua baserrian dantza, kantuan eta hamaiketakoa egin genuen.
2011-02-26_Koko-dantzak-IZ-7720
Txontatik Salbadorerako bidea hartu eta Mertxete, Iraegi-erdikoa, Iraegi, Areta eta Areta-abeletxen izan ginen. Ondoren, Urki aldera pasa eta Kantina etxean jan eta edateko tartea hartu genuen azken txanpari heldu aurretik. Altamira-bekoa, Urkidi-torre eta eguna osatzeko, Bolingua.
2011-02-26_Koko-dantzak-IZ-7745
Sariak ondo beteta, bazkaltzera joan ginenerako 16:00ak ziren. Bapo bazkaldu, eta 18:30etan anbulategi aurrean ginen berriz. Han ziren gure zain Torredembarrako pastorets eta bastonersak, eta baita Mauxitxa txaranga ere.
2011-02-26_Koko-dantzak-IZ-7777
Dantzan eta kantuan aritu ginen Toribio Etxebarria, Untzaga eta Kalbeton-en, 21:00ak arte. Torredembarrako dantzariek erakutsi zuten hotzera ere ederki egokitzen direla, eta bustitzeko kezkak uxatuta, makil-dantza eta artzainen dantza ikusgarriak eskaini zituzten.
2011-02-26_Koko-dantzak-IZ-7779
Toribio Etxebarria kalean, Klub Deportiboaren aurrean, koko-marruen soka-dantzaren estreinaldia egin genuen. Jainaga, Laskurain eta Narbaiza musikari lanetan, eta koko-dantzaria, Maria, Petra, Martin perratzailia, Kattalin, Manuela, Batista Kojua, Arraguetako Ama Birjina, eta Hartza dantzan.
2011-02-26_Koko-dantzak-IZ-7795
Iruki Sagardotegian izan genuen ondoren afaria, eta afalostean, erromeria, izenik ba ote duen oraindik ez dakigun talde sortu berriarekin.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude