Eguberri bezperetan Gipuzkoako Urrezko Domina eman zion Foru Aldundiak Angel Olaran misiolariari. Hernaniarrak Somalia, Tanzania eta Etiopian eman ditu azken 40 urteak, premia larrienak dituztenen alde lanean.
2010eko abenduaren 23an, egin zen Gipuzkoako Urrezko domina emateko ekitaldia Donostian, Foru Aldundiaren egoitzan. Ekitaldi honetan ohikoa bihurtu den moduan, ezpata-dantzarekin egin zitzaion harrera omenduari eta ezpatekin egindako ohorezko arkutik pasa zen Diputazioaren eraikinera sartzerakoan.
Argia dantzari taldearen zuzendaritzapean, Urki (Andoain), Arkaitz (Añorga), Haritz (Elgoibar) eta Kezka (Eibar) dantza taldeetako 30 dantzarik osatu zuten ezpata-dantza. Eibarko Usartza txistulari taldeko musikariak arduratu ziren ezpata-dantzaren doinuetaz.
Ikusi ondoko loturan Arantza Uriguen-ek egindako argazki sorta: