Arrateko kronika eta argazkiak oraindik argitaratzeko ditugu, baina aurten komunikabideek arreta berezia jarri diote irailaren 8koari eta horietako batzuk bilduko ditugu aurrerapen moduan.

ETBko kamerak izan genituen Arraten eta hona gaueko albistegian eskainitakoa:

Eibartv interneteko telebisan ere gertutik jarraitu dituzte Arrateko jaiak. Horra pare bat bideo:

Ikusentzunezkoez gain, idatzizko komunikabideetan ere agertu dira aipamenak. Horra bilduma:

Felix Morketxo kazetari finak batzuk dantzan eta besteak festan ari garen bitartean, kamarekin aurrera eta atzera ibiltzen direnak (bere moduan) izan ditu gogoan eta horra bere blogean jarri duen argazkia.

Datorren irailaren 8an, asteazkenean, Ama Birjinaren eguna eta haren omenezko erromeria ospatuko da berriz ere Arraten. Seigarren urtez Arrateko ezpata-dantza eta trokeo-dantzak egingo ditugu, eta aurten ere gonbidatu bereziak izango ditugu Arrateko Amaren dantzetan bakarlari lanak betetzen. Hauek dira aurtengo bost gonbidatu bereziak:

• Fernando Aristizabal. Argia dantzari taldeko dantzaria eta dantza-maisua.
• Ion Olano. Tolosako Udaberri dantza taldeko dantzaria izana, Tolosako bordon-dantzan buruzagi lanak bete ditu urte askoan.
• Andoni Iriondo. Debako Gure-Kai dantza taldeko arduraduna eta bertako San Roke dantzan dantzari, buruzagi eta sustatzailea azken 20 urteotan.
• Lisa eta Enrike Corcostegui. Renoko (Nevada, AEB) Zenbat Gara dantza taldeko dantzari eta zuzendariak.

Egitaraua eta ordutegia

11:00 Ezpata-dantzarien taldeko argazkia
11:30 Ezpata-dantza meza nagusian
12.00 Prozesioa trikitilari, txistulari eta ezpata-dantzariek lagunduta.
12.30 Ezpata-dantza Ama Birjinaren aurrean elizako atarian
12.35 Arrateko ezpata-dantza eta trokeo-dantza zelaian

Ondoren bazkaria eta erromeria.

Aurreratu bezala, Szeged hiriko County-Wandering jaialdian parte hartu du Kezka dantza taldeak abuztuaren 11tik16era. Egoitza Szeged-en ezarrita Hungariako hiru herritan eskaini ditugu emanaldiak: Cserkeszőlőn, Szank-en eta Morahalom-en.

Abuztuaren 12an Cserkeszőlőn Arrateko ezpata-dantza eta zuberoako dantzak eskaini genituen.

Abuztuaren 14an Szank-en eta abuztuaren 15ean Morahalom-en berriz, zuberoako dantzak, durangaldeko dantzari-dantza, kaskarots, eta jota eta porrua egin genituen.

Dantzari, musikari eta laguntzaile artean 40 lagunek osatu dugu Hungarian izan den Kezka dantza taldearen espedizioa. Elgoibarko Haritz eta Ermuko Txindurri taldeetako zenbait kide izan ditugu gurekin.

Harrera polita izan dugu hungariako ikusleen aldetik, eta bai joan-etorrian, zein hungariako egonaldian bazter ederrak ikusi ondoren egin dugu itzulera.

Orain Arrateko dantzak Arraten bertan eskaintzeko ordua iritsi da.