El ball d’espases de Arrate a Terrassa

Apirilaren 24an abiatu ginen Terrassaruntz. Beti bezala autobus ederrak jartzen dizkigu Aldalur-ek eta oraingoa ere ez da makala. Oier Ibarbiaren testigantza horren lekuko: “Nik orain arte ez dot sekula bidaiatu holako autobus batean.
Egin kontu zelako alturia dakagun batzuk eta hala ta guzti be, nik
hankak nahi neban moduan estirau, luzatu eta jarri nebazen nere
aurrekuak asientua atzera botata be. Sekula holakorik… Hori bai hori
autobusa hori. Gora Aldalur!”

Terrassako bastoners-ek egindako harrera ez da makala izan. Medio gutxirekin baina taldekide guztien lan izugarriarekin antolaketa bikaina burutu zuten bi egun eder pasa genituen Terrassan. Aipatzekoak dira besteak beste Adria-ren ilusio eta indarra, Jordi-ren gidaritza lasaia eta 48 ordutan gurekin une oro izan den Aniol (más gente!), inoiz haserretzen ez den mutila.

Larunbat goizean Terrassako erdi-gunea bisitatzeko aukera izan genuen, garai modernistako hainbat eraikin interesgarri, merkatua, zientzia museoa, udaletxea, e.a. Udaletxean bertan harrera egin zigun Terrassako alkateak. Opari trukea izan genuen eta euskara-katalan gure itzultzaile partikularrak lan apur bat egin zuen diskursoak itzultzen.

2009-04-25_Terrassa_IZ 006

2009-04-25_Terrassa_IZ 095

Udaletxe ederraren aurrean egin genuen Bastoners de Terrassa, Duguna eta Kezka taldeok emanaldia nagusia. Ikusle ugari eta txalotzeko prest bildu ziren emanaldira eta pozik eskaini genituen prestatutako dantzak. Jaurrieta, Otsagabia eta Luzaideko dantzak egin zituzten Dugunakoek eta Arrateko ezpata-dantza, dantzari-dantza, kaskarots eta jotak Kezkakoek.

2009-04-25_Terrassa_IZ 109

2009-04-25_Terrassa_IZ 128

2009-04-25_Terrassa_IZ 171

2009-04-25_Terrassa_IZ 230

2009-04-25_Terrassa_IZ 251

2009-04-25_Terrassa_IZ 396

2009-04-25_Terrassa_IZ 425

2009-04-25_Terrassa_IZ 437

2009-04-25_Terrassa_IZ 501

2009-04-25_Terrassa_IZ 542

Igandean goizean goiz altxatu eta butifarra eta saiheski gosari mundiala egin genuen Senpere auzoan. Handik abiatu behar zen bastoners eta dantzarien cercavilla, baina euriak kalejira bertan behera uztera behartu zuen. Eskola baten patioan hasi eta Plaza Vella (zaharra) ederrean bukatu genuen goizeko dantza emanaldia. Hainbat bastoners taldek parte hartu zuten “XXVIII. Diada dels Bastoners de Terrassa” jaialdian.

2009-04-25_Terrassa_IZ 753

2009-04-25_Terrassa_IZ 763

2009-04-25_Terrassa_IZ 799

2009-04-25_Terrassa_IZ 814

2009-04-25_Terrassa_IZ 866

Bi egun bete-beteak, musika eta dantzaz batez ere pasata itzuli ginen Eibarrera. Emanaldiak txukun joan ziren, baina emanaldietatik kanpoko giroa aparta izan zen. Iruñea-Abadiño-Terrasa-Eibarko musikari sorta ederrak izan zuen horretan zerikusia, emanaldi formalak bukatu orduko hasten baitzen haien eta denon festa.

2009-04-25_Terrassa_IZ 714

2009-04-25_Terrassa_IZ 899

2009-04-25_Terrassa_IZ 903

Hona hemen argazki, prentsa eta beste taldeen kroniketara loturak:

Utzi erantzuna

Zure e-posta helbidea ez da argitaratuko. Beharrezko eremuak * markatuta daude