San Anton jaiak Azitainen, eta ohi bezala, igandean, mezaren ondoren soka-dantza egin genuen urtarrilaren 18an. Meza berezia ospatzen du Felix Bergara apaizak eta han ibiltzen ditu umeak joan etorrian nekazal produktuak ekartzen eta eramaten. Josu Garatek ezpata-dantza egin zuen Andoni Altzibar eta Iñaki Baruak primeran jotako doinura.

Meza ostean soka prestatu zen eliz-atarian. Oier Araolaza aurresku, Josu Garate atzesku, eta Oier Ibarbia eta Unai Agirre zerbitzari lanetan. Inguruan zeuden gizona, Miguel de los Toyos alkatea bera tarteko, sartu ziren sokan eta ohi bezala bideratu zen soka-dantza. Santa Kurutzen ohikoa izaten da desafioan txapeletako bat elizaren teilatu gainera joatea, eta Azitainen ere horixe gertatu zen oraingoan.

Dantza saioa bukatuta hamaiketakoa izan ohi dugu, eta aurten toki berezi batean gainera. Azitaingo elizaren koruan prestatu ziguten auzotarren jaki goxoz beteta mahaikada. Bizarrik gabeko kristoa(munduan horrelako 3 bakarrik daudela esaten zen garai batean)aurrean erretratatu gintuen Iñakik.

• Soka-dantza Azitain-en San Antonak 2009 [Argazkiak]

Ibilaldia 2009 Galdakaon ospatuko denez kultur ekitaldi ugari antolatzen ari dira bertan. Horien artean pasa den asteburuan, urtarrilaren 17an,
dantza jaialdia antolatu zuten Ibilaldiak eta Andra Mari dantzari taldeak. Gasteizeko Indarra dantza

taldea, Galdakaoko Andra Mari dantza taldea eta Eibarko Kezka dantza taldeak parte hartu genuen jaialdian.

Galdakaoko frontoian izan zen jaialdia eta han aurkitu genituen Andra Mariko lagunak eszenatokia txukun-txukun prestatzen. Arratsaldeko 20.00etan hasi zen jaialdia. Kezkak Arrateko dantzak eskain zituen: ezpata-dantza eta bi trokeo-dantza: makila txikiena eta brokel-makilena. Ondoren, Gasteizko Indarra dantza taldeak Guardiako dantzak (Laguardia eta Biazteri bezala ere ezagutua)  txukun asko eskaini zituzten. Andra Marikoek dantzari-dantza gogo eta bihotz egin ondoren, Indarrak Gasteizko Zortzikoa eskaini zuen. Andra Mari dantzari taldearen erromeria, jota eta porru ikusgarriekin borobildu zen jaialdia. Elkarte mikologikoan egindako oturuntzaren ondoren buelta Eibarrera.

• Ibilaldia 2009 Galdakaon dantza jaialdia [Argazkiak]

Iker Gomez-ek “Absurdo”
dantza, musika eta bideo ikuskizuna aurkeztuko du datorren
urtarrilaren 31an Eibarko Coliseo antzokian. Dantzari, koreografo eta
sortzaile eibartar honek Ballet Eibarres-en, Juanita Unzuetakin eman
zituen lehen urratsak. Ondoren Bartzelonako Institute del Teatren
burutu zituen dantza ikasketak eta besteak beste Suiza, Alemania eta
Holandan aritu da hainbat dantza konpainiekin lanean. Bartzelonako
Mercats de les Flors zentro koreografikoak ekoiztu du Absurdo lana
eta Europako Koreografo Gazteen ziklorako hautatua izan da.

Absurdo

Bi dantzari eta hiru
musikari, dantzan, kantuan eta aktore lanetan aurkituko ditugu

ikuskizun honetan. Bost interpreteak absurdoa hartzen dute filosofia
motoretzat bizitza ulertzeko ahalegin antzutik ihesi.

Dantza

Dadaismoak eragin handia
izan du gaur egungo artean. Artea bera zalantzan jartzen zuten
dadaistek. Probokaziorako joera eta materialen nahasketa eta
collage-rako zaletasuna zor diegu besteak beste. Umorea ere inoiz ez
zuten ahaztu dadaistek. Dadaismotik abiatuta dantza eta koreografian
barneratzen da Iker Gomez, mugimendu espontaneoak bilatuz, ezarri
gabekoa, ausazkoa landuz, energia eta emozio egoera aske eta
indartsuak aurkitzeko.

Musika

Kepa Elgoibar, Daniel
Gonzalez eta David Sanchez-ek osatzen duten PerroTeproduce musika eta
soinu produktorak musikaren historiako sortzaile handienetako baten
lanetik, Mozart-en Requiem-etik abiatzen dira. Konpasen ordena
aldatuz, partiturak collage bidez osatuz edo latinezko hitzak
asmatutako hizkuntza batekin ordezkatoz beraien interpretazio askea
burutu dute.

Bideoa

Collage-a eta
fotomuntaketa lengoia artistiko aske eta mugagabe baten bilaketan
dadaistek sortutako adierazpen tresnak izan ziren. Iker Gomez-ek
teknika horiek bideoaren fotogramen mugimenduari aplikatzen dizkie,
eta bideoa, musika eta eszenan ari diren dantzarien loturak
koreografiatuz ikuspegi eta dimentsio eszenografiko propioa garatzen
du.

Azken batean, absurdoak,
zentzugabetasunak laburbiltzen du dena.

Iker
Gomez: Absurdo

2009ko urtarrilak 31,
20:30

Eibar, Coliseo Antzokia

Sarrera: 8 ¤

http://www.generaltickets.com

Sagardotegien denboraldia bezala, asteburuan abiatuko da 2009ko emanaldien gure egutegia. San Antonekin hasi eta aratuste igandera bitartean elkartu zaizkigu emanaldi batzuk inor ez dadin negu gorrian aspertu eta eskiatzen hankak apurtzeko arriskua urritzeko.

• Urtarrilak 17, larunbata. Ibilaldia Galdakaon Dantza Jaialdia. Andra Mari, Indarra eta Kezka dantza taldeak. Hemen kartela.
• Urtarrilak 18, igandea. San Anton jaiak Azitainen. Soka-dantza egingo dogu auzotarrekin bertan, ohitura dugun moduan.
• Urtarrilak 24, larunbata. Arrate-Portland eskubaloi partidan Benito Mugika-ri omenadia.
• Otsailak 8, igandea. Koko-dantzak Basaurin aurkeztuko ditugu, Inauteriak eta Hartza ardatz duen egitarau batean.
• Otsailak 14, larunbata. Koko-eskea eta Koko-dantzak Eibarko baserrieta eta kalean.
• Otsailak 20, ostirala. Kaldereroak Eibarren.
• Otsailak 22, igandea. Axeri-Boda Bilbon, Arriaga antzokian. Argia, Duguna, Haritz eta Kezka. Sarrerak salgai daude.

Urteurreneko 2008 urtea bukatu zen baina 50 urte betetzearen ondorioekin hasi dugu 2009a ere bai. Errege kabalgatan Meltxor, Gaspar eta Baltasar lanak egitea tokatu zaigu aurten eta hor aritu ziren, urtarrilaren 6an, hiru errege “kezka”tuta.

Astelehena frontoian izan zuten lehen agerraldia, Ipuruako dantza garaikideko eta gimnasia erritmikako taldeen emanaldi berezian. Dantzak ikusi eta txalotu ondoren, Untzagan karrozan igo eta herriari itzulia egin zioten goxokiak batera eta bestera banatuz. Udaletxera bueltan umeak eta ez hain umeak altzoan hartu eta txintxotasun testak eta opari negoziazioak burutu zituzten.

• Kezkaren errege majoak [argazkiak]