Eguraldia lagun, gaur goizean 2025 urteko Bolunburu Oroigarria ospatu da Arraten, bere 74. edizioan, Eibarko Klub Deportiboak eta Gipuzkoako Atletismo Federazioak antolatuta, III. Euskal Kros Ligako parte izan dena ere bai.
Goizeko 10:30etatik eguerdirarte izan dira lasterketak kategoria ezberdinetan, 300 atleta inguru parte hartu dute eta emaitza nabarmenak lortu dituzte Eibarko Klub Deportiboko atletek.
Bideo egilea. Iker Martinez
Julen Teran irabazle Federatu absolutuetan
Maila absolutuan CD Eibar Atletismo taldeko Julen Teran Belastegi izan da irabazle 22 minutu eta 47 segundo eman ondoren probako 6.750 metroak egiteko, Azk eta Azp Xeye Ake-ko Bingen Aranberri (23’28 min.) eta Mintxeta Atletismo Taldeko Iñigo Lariz-en (23’44 min) aurretik. Lehen 10 sailkatuak kategoria absolutuan honako hauek izan dira.
Emakumezko absolutuan Goierri Garaia taldeko Ainhoa Sanz izan da irabazle (25’26 min) Atletismo Laudiko Haizea Solaun-en (20`29 min.) aurretik.
Ugaitz Gartzia (U20) eta Nora Martinez (U18) kategoriako irabazle
Sub 18 eta Sub 20 kategorietan emaitza bikainak lortu dituzte Ugaitz Gartzia (U20) eta Nora Martinez (U18) beraien probak irabaziz. Ugaitz Gartziak (11`25 minutu) atzean utzi ditu Super Amara Bidasoa Atletiko Taldeko Urko Ibarguen (11`36) eta Gorka Garcia (12`22). Hemen ondoren sailkatu direnen zerrenda:
Bikain aritu da CD Eibar Atletismo Taldeko Nora Martinez Baroja 14’34 minutuko denborarekin irabazle amaitu du bere proba, 18 urte azpiko emakumezkoena, Atletismo Laudio-ko Sara El Kahli Ibarretxe (15`08 min) eta Mikele Aldama Larrea-ren (15`49 min) aurretik. Hemen sailkapena eta podium-eko argazkia.
Deporreko Atletismo Eskolako gazteek bikain
Atletismo eskolako gazteek gogor aritu dira ere bai eta emaitza politak lortu dituzte parte hartu duten proba guztietan.
Alebin nesketan Deporreko Atletismo Eskolako Isabel Pita Lozano (5:43 min) bigarren postua eskuratu du, Azk eta Azp Xeye Ake-ko Mara Lizaso Oyarzabal-ren (5:37 min) atzetik eta Real Sociedad-eko Elsa Rodriguez Perez-Mosso (5:44 min) aurretik.
Gainera alebin eta benjamin kategorietan partaidetza zabala izan du Eibarko Klub Deportiboko Atletismo Eskolak: Marina Morales, Saioa Guerrero, Maddi P. de Obanos, Lucía Arkotxa, Lucia Calvo, Isabel Pita, Luke Litago, Jone Hernández, Nicolás Cardenas, Jule Azurmendi, Markel Arrieta, Iker Caño, Amets Rubio, Markel Urain, Markel Laskurain eta Eider González.
Zorionak eta eskerrik asko antolatzaile, babesle, borondatezko laguntzaile, ikusle, entrenatzaile eta parte hartzaile guztiei!
Argazkiak: EKD/CDE, Arrate Gutierrez, Olga, Lara Larreategi
Deja una respuesta