Aurreko asteburuan Ander Agirresarobe eta Erik Lantz Iriondo pelotari eibartarrek Gipuzkoako Klub-Arteko txapelketa eskuratu zeben Oreretan jokatutako finalian.
Aurre-ligaxkan oso joku-maila ona erakutsi ostian taldeburu bezela sailkatu ziran final-erdietarako. Bertan Urnietako ordezkarixei 22-11ko emaitzaz nagusitu eta final haundirako txartela eskuratu zeben.
Finalian, iñoiz jokatu gabeko frontoian eta beraien kontrarixuak Esnaola eta Agirre Oreretakoak zirala kontutan hartuta, urduri baña gogotsu joan ziran finala jokatzera, txapelak besapean hartuta Eibarrera bueltatzeko asmoz.
Partiduaren hasiera-hasieratik erakutsi zeben Deporreko pelotarixen berain nagusitasuna bai aurreko kuaduetan baita atzekuetan, tantua ondo amaituz eta pelota gogor joz.
Hasieratik hartu zeben eibartarrek abantaila markagailuan, eta partidu erdixan gauzak estutuko zirala emoten zeban arren azken txanpan serio eta gogotsu jarraitu zeben 22-15eko azken emaitza lortu arte.
Hona hemen bi pelotarixak garaikurrak eskuetan eta txapelak buruan jantzita:
(Ezkerrian Ander eta eskuman Erik)
Ondo merezitako txapelak eibartarrentzat, batezbe kontutan hartuta oraindik bi pelotarixak kadetiak dirala eta txapelketan zihar eurek baño urte bete edo bi urte zaharrauak ziran aurkarixen kontra jokatu bihar izan dutela. Datorren urtia be garaipenez betetakua izatia espero dogu.
Zorionik beroenak Deporreko kideen partez Ander eta Erik-entzat!
Erantzunak
M. diciembre 10, 2009 06:52