Koko-dantzak 2014, badatoz…bazatoz?!?

Euskal Herrian barrena inauteriak ate joka ditugu han eta… hemen! Gurera datorren otsailaren 22an iritsiko zaizkigu koko-eskea eta koko-dantzak; mamarruak, burburixuak, masustak, aixerixak, hartza, Petra eta Maria, Don Eusebio, Kattalin eta Manuela, Batista kojua, Arrateko Ama-Birjina, Martin Perratzailia, sasi-kartia… eta koko-dantzarixak, noski!

Iluntzean, Eibarko kaleetan. Bazatoz?!?

Egunez baserriz baserri jardun ostean, arratsaldean, 19.00etatik aurrera, Anbulategiko parkean batu eta Eibarko erdiguneko kaleetan ibiliko da koko-marruen konpartsa osoa Mauxitxa txarangak lagunduta. Honetarako, ordea, Eibarko kaleak koko-marruz bete nahi ditugu, Eibarko herria koko-jantzi alegia, eta barrutik inauteriaz eta festaz gozatu nahi luketen guztiak gonbidatu.

2013-02-02_Koko-dantzak_IZ_4920

Nahi duten guztientzat ensaio irekiak antolatu ditugu koko-dantzetako iluntzeko kalejiran parte hartzera animatzen zareten guztiontzat. Ensaio horietan koko-dantza ikasi eta koko-jantziari buruzko laguntza eskainiko dugu.

Toribio Etxebarriak bere garaian zera jaso zuen: KOKO-MARRUA. Ente de fantasía con que se asusta a los niños. ¡ Ixildu zaittez, Koko-marruak eruango zaittu ba bestela! ¡ [Calla, que si no te va a llevara el koko-marro.]

Masusta kuadrilla honen antzera?

2013-02-02_Koko-dantzak_FL_4350

Edo honela?

2013-02-02_Koko-dantzak_FL_4364

Eta hauek zein edo zer ote dira?

2013-02-02_Koko-dantzak_IZ_5044

Kaleko koko-dantzetan parte hartzeko ensaio irekiak:

  • Otsailak 11, asteartea, 19:30etan
  • Otsailak 18, asteartea, 19:30etan
  • Tokia: Portalea Kultur etxeko ikastaro-gelan (3.solairua)

Edozein zalantza izanez gero kezka@dantzan.com helbidera idatzi dezakezu edo deitu 943 53 04 40 telefonora, lotsa eta beldurrik gabe. Hori 22rako utziko dugu!

Mandiola eta Aginaga

Aurreko urtean Mandiola aldeko Zozola eta Aritxuluetarrak egin gabe utzi genituen. Aurten bailararekin amaitu eta Aginaga aldera egingo dute salto koko-marruek eskean, atari bakoitzean behekoak abestuz:

Koko-moko,
zaria bete moko.
Gibel, gibel,
afarittarako.
Dirua baneuka,
patrikarako.

50 lagun inguru izango gara bi taldetan banatuta, 8:30etan merkatu plazan hasi, ohiko dugun legez, eta 25 baserri inguru bisitatu ahal izateko iluntasunak Aginaga bailara jan aurretik: aipatutako Mandiola aldekoez gain, Urrintxo, Altzerreka, Zumaran, Mendibil, San Roman, Larrañeta, Iterixa, Abuaga azpiko eta gainekoak, Suinaga eta Suinagatxo, Gorostiaga, Arizpe, Atxekoa, Agarre, Orbesoraen, Agina gaineko eta azpikoa eta Arandotar bost baserriak.

Ia ba, badatozela…atera etxean gordetako trapu zaharrak, aurpegia ezkutatu eta zatoz gurekin koko-jantzita inauteriaz gozatzera!

2009-02-14_Koko-dantzak_FR (269)

 

Utzi erantzuna

Zure e-posta helbidea ez da argitaratuko.