Santa Kurutzeko jaiak direla eta soka-dantza egin dugu Santa Kurutzeko ermita ederraren aurrean. Ohi bezala aurreskua, atzeskua eta zerbitzariak Kezkakoak ziren, eta soka auzotarrekin osatu dugu. Felix Elkoroiribe, aurtengo omenduetako bat joan da sokaren aurrealdean.
Aiert Ibarbiak jardun du aurreskulari lanetan eta Oier Ibarbiak atzesku. Lehen desafioan hemen:
Urko atzean, ermita alboan eta Oier Ibarbia soka gidatzen.
Aiert agurra dantzatzen. Ander Fernandez eta Oier A. zerbitzari lanetan.
Bigarren desafioa. Badoa txapela hegaka. Bakarra oraingoan, tradizioa ez hausteko aurten ere ermita gainera joan baita txapeletako bat.
Asteburu betea izan da. Ostiralean Pas de Basque izan genuen Tolosan. Atzo Euskal Jairako entsaio nagusia. Datorren astebururako ere baditugu lanak. Hauxe da maiatza.
Erantzunak
la verdad me ha gustado mucho vivitar esta pagina
agur muxu bat
maria celia
maria celia cazaux diciembre 15, 2005 15:23